Sistema de abastecemento e formacións de xénero no Sartenejal, Honduras
Dentro do programa de Promoción e defensa do dereito humano á auga en Honduras e, máis concretamente, no proxecto de mellora da xestión pública e social que financia a Agencia Española de Cooperación para el Desarrollo, estase avanzando na construción do sistema de abastecemento de auga na comunidade El Sartenejal (municipio de Nacaome).
Xa se ten case rematada a estrutura do depósito e, en paralelo ás obras (onde tamén colaboran as persoas da comunidade), unha das técnicas da Mancomunidade NASMAR do proxecto, está a impartir as formacións sobre xénero na comunidade. É un xeito de ir introducindo este tema, que pode ser complicado de abordar nalgúns contextos, aproveitando a relación xénero-auga (coidados, traballo desigual de acarreamento de auga, etc.).
Por outra banda, aproveitouse para facer unha formación a persoal técnico de distintos concellos da NASMAR no manexo de estación total. Foi ademais unha das primeiras saídas de Martina e Sandra, participantes no programa de voluntariado internacional de coñecemento doutras realidades (PCR) deste 2024, que chegaron a semana pasada.
![](https://galicia.isf.es/wp-content/uploads/2024/07/photo_2024-07-04_17-06-39Deposito-773x1030.jpg)
![](https://galicia.isf.es/wp-content/uploads/2024/07/photo_2024-07-04_17-06-38-2-1030x773.jpg)
![](https://galicia.isf.es/wp-content/uploads/2024/07/photo_2024-07-04_17-06-37-1030x773.jpg)
![](https://galicia.isf.es/wp-content/uploads/2024/07/photo_2024-07-11_00-38-18-1030x773.jpg)
![](https://galicia.isf.es/wp-content/uploads/2024/07/photo_2024-07-11_00-38-21_Deposito4-1030x773.jpg)
![](https://galicia.isf.es/wp-content/uploads/2024/07/photo_2024-07-11_00-38-25-1030x773.jpg)
Dejar un comentario
¿Quieres unirte a la conversación?Siéntete libre de contribuir!