Entradas

Boletín Oficial ESFeiro: xaneiro 2025

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

      En decembro coñecemos o centro gañador do II Concurso de iniciativas didácticas sobre Tecnoloxía para o Ben Común do programa Hackers Sen Fronteiras no ensino secundario, que foi para o CPI de Zas, co seu proxecto Clics seguros en Zas. Dentro tamén do programa de tecnoloxía para o ben común en secundaria/FP, tivemos o segundo encontro de alumnas tecnólogas (primeiro desta Fase 2 do proxecto). Estes encontros pretenden dar voz e espazo de indagación para coñecer posibles barreiras das áreas tecnolóxicas para as alumnas, de cara a reducir a fenda de xénero nas mesmas. Laura, unha voluntaria da USC, puido falar no IES Sar de Compostela sobre internete e a nube, e no IES de Celanova tivemos a Eva dando uns obradoiros de «Bailes que cambian o mundo». Para profes de Celanova, Jorge fixo un obradoiro en liña sobre Ferramentas libres para comunicación.

    Ademais, presentamos na web os 4 proxectos de investigación financiados no “II Programa de Impulso á Investigación Universitaria en Tecnoloxías para o Ben Común” da Rede Artigo9Tech, que xa están rematados.

    No Nadal tivemos o xa tradicional encontro/xantar en Santiago, que ademais serviunos para celebrar os 20 anos do Programa de Voluntariado Internacional de Coñecemento doutras Realidades (PCR). Celebrámolo cun programa especial de ESFRadio coñecendo recordos de varias das participantes ao longo da historia do programa. Ese día pola tarde, aproveitando o Nadal, tivemos a Sandra e Raquel, as nosas expas (persoal laboral español que traballa en Honduras), en Galicia. Fixemos un encontro con elas con concurso de Que sabes de Honduras incluido. Víctor, o coordinador do programa Mozambique, non se quedou atrás e fixo o mesmo. Pola mañá xa tiveramos tempo para ter un encontro e falar do futuro de ESF e da tecnoloxía para o ben común. Tamén tivemos un encontro similar de reflexión e celebración na Coruña.

    O grupo de persoas asesoras técnicas a plataformas de defensa da terra tamén tivo traballo, creando un Visor de parcelas afectadas pola Mina Touro-O Pino.

    Retomamos os ciberfaladoiros, neste caso cun sobre o tema Pode o coche eléctrico ser parte da solución? (e, polo que falamos, vai ser que non…).

    Participamos un ano máis no encontro da rede Arredor do Rural, desta volta en Lugo, e na manifestación contra Altri en Compostela tamén houbo representación esfeira.


HONDURAS

    No eixo de soberanía alimentaria, programa de restauración de lagoas de inverno, CODDEFFAGOLF xunto coas persoas das comunidades da zona, continuan o monitoreo de biodiversidade con cámaras trampa. Nese mesmo eixo xa empezou un novo proxecto, a fase 2 de fortalecemento da actividade marisqueira e dos grupos de mulleres. Socializouse xa coas participantes, e presentámolo na web. Ademais, as propias mulleres marisqueiras están xa facendo monitoreo de bivalvos e calidade da auga e monitoreo biolóxico, os dous cun enfoque de ciencia cidadá. Tamén se fixo unha xornada de limpeza e reforestación de mangle. Houbo tamén unha Feria de Productos Agroindustriales organizada pola Universidad Nacional Autónoma – Campus Choluteca, onde varios grupos de mulleres das que se están apoiando mostraron o seu producto, tamén a través da elaboración de distintos pratos típicos.

    No eixo de dereito á auga destacou a co𝗻𝗳𝗼𝗿𝗺𝗮𝗰𝗶𝗼́𝗻 𝗱𝗲 𝗹𝗮 𝗠𝗲𝘀𝗮 𝗧𝗲́𝗰𝗻𝗶𝗰𝗮 𝗜𝗻𝘁𝗲𝗿𝘀𝗲𝗰𝘁𝗼𝗿𝗶𝗮𝗹 𝗱𝗲 𝗖𝗮𝗹𝗶𝗱𝗮𝗱 𝗱𝗲 𝗔𝗴𝘂𝗮 𝗲𝗻 𝗹𝗮 𝗥𝗲𝗴𝗶𝗼́𝗻 𝟭𝟯 𝗚𝗼𝗹𝗳𝗼 𝗱𝗲 𝗙𝗼𝗻𝘀𝗲𝗰𝗮. Tamén, impulsado pola Mancomunidad NASMAR, tivo lugar un Taller de Calidade de Auga e Cloración. Tamén houbo avances na construción da obra modelo de abastecemento de auga 𝗲𝗻 𝗧𝗿𝗲𝘀 𝗣𝗶𝗲𝗱𝗿𝗮𝘀, 𝗘𝗹 𝗧𝗿𝗶𝘂𝗻𝗳𝗼, co proxecto de mellora da xestión pública da auga financiado por Cooperación Galega.


MOZAMBIQUE

En Mozambique no mes de decembro continuaron no país Víctor e Manuel, até ben entrado o mes, dentro da visita técnica e de coordinación de peche de ano. Ademais, xa se pode ver na web de Augas de Galicia o video e infografías do proxecto AquaMoz


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes traemos música protesta en galego, con Loita Amada, que ademais pecha a xira o 17 de xaneiro en Compostela.


E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

Os gobernos e ministerios de moitos países empezaron a asinar contratos coas grandes tecnolóxicas para incorporar a intelixencia artificial ás institucións públicas. Tarde o temprano darémonos conta de que son extremadamente caros e que as nosas infraestruturas públicas dependen de Silicon Valley
Evgeny Morozov

Boletín Oficial: decembro 2024


    Un mes máis, aquí está o Boletín Oficial Esfeiro (BOE) de Enxeñería Sen Fronteiras Galicia (podes consultar os anteriores BOE na aquí).



CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En Galicia tivemos unha actividade frenética en novembro. 

    Na universidade, tivemos encontros con delegacións de alumnado dalgunhas escolas de enxeñería a ver se impulsamos actividades. Na Escola de Enxeñería da USC en Compostela houbo un faladoiro de Xestión de eventos hídricos extremos en Mozambique. Celebramos a V Xornada de Tecnoloxía para o Ben Común: educación, investigación e cooperación para o desenvolvemento nas universidades galegas, coa rede Artigo9Tech, a modo de peche desta fase do programa de traballo conxunto da rede, que financiou Cooperación Galega da Xunta. Na EScola Politécnica de Lugo puidemos falar sobre Enxeñería e proxectos de cooperación internacional para o desenvolvemento. Na Escola de ARquitectura da UDC tivemos a exposición Coñeces o teu móbil, que logo foi trasladada ao IES Curtis.

    Tamén no IES Curtis tivemos un faladoiro no ciclo medio de FP de informática sobre electrónica ética. Ademais, e tamén dentro do programa Hackers Sen Fronteiras en secundaria, estivemos no IES Armando Cotarelo de Vilagarcía, falando de cacharreo con computadoras, e tivemos tempo para un Ciberfaladoiro de reflexión interna sobre se debemos traballar en centros de secundaria privados ou concertados.

    En Santiago fixemos o primeiro café formativo do curso, compartindo ideas sobre que entendemos por tecnoloxía para o ben común.

    Dentro do programa Mulleres Bravas tivemos un emotivo encontro de Defensoras da terra de Honduras e Galicia, xunto con Amigas da Terra, AGARESO e Sindicato Labrego Galego, a modo de peche desta fase do proxecto.

    Tivemos representación de ESF Galicia no encontro estatal da Federación de Ingeniería Sin Fronteras en Barcelona, e tamén no encontro Somos Ponte en Pontevedra. Tamén nas mobilizacións do 25N, en Galicia e en Honduras.

    En Vigo tivemos o 1º curso de Reparación e mantemento básico de equipos informáticos, con 4 fins de semana cacharreando, impulsado polos nosos Bancos de REciclaxe universitarios en colaboración coa ONG Diversidades. No Banco de Reciclaxe de Ferrol continúan a actividade, neste caso poñendo a punto computadoras coa fundación Amigó. O Banco da Coruña organizou un repair café na Domus, como vén facendo mensualmente. Aproveitaron para ter tamén unha formación en mantemento de bicis coa asociación Mobi-liza.

    Presentamos na nosa web o novo programa de Tecnoloxía para o Ben Común no eido profesional da tecnoloxía e a enxeñería (ESFpro). Como parte deste programa, tivemos un faladoiro en liña co Colexio de Enxeñería Forestal sobre A enxeñería forestal na cooperación internacional ao desenvolvemento: reflexións e exemplo de proxecto de restauración integral en Honduras.


HONDURAS

    En Honduras novembro foi un mes no que houbo que lamentar polo menos 6 falecidas e 250.000 afectadas, así como copiosos danos en cultivos e vivendas, pola virulencia da tormenta Sara. Houbo que reprogramas varias actividades e mesmo coordinarse coas entidades financiadoras para redirixir algúns fondos dos proxectos a paliar no posible o desastre das comunidades afectadas.

    No eixo de Dereito á Auga, tivemos a oportunidade de presentar en liña do novo proxecto auga coa Mandomunidade NASMAR e o Laborate da USC á embaixada Honduras en España. Tamén houbo visita de embaixada, desta volta a de España en Honduras, a distintos proxectos de ESF no sur do país. Aproveitouse para inaugurar o sistema de abastecemento de El Sartenejal.

    Dentro do novo proxecto coa Mancomunidade NASMAR, organizouse un Taller Teórico-Práctico sobre uso de Estación Total e GPS, dirixido a equipos técnicos municipais e se presentou o proxecto á comunidade Tres Piedras, onde se realizará un abastecemento piloto de auga.

    No eixo de Soberanía Alimentaria, a mencionada visita da embaixada española tamén chegou á zona do programa de Restauración das Lagoas de Inverno. Nesta época de intensas choivas as obras están paradas, pero hai formacións e seguimento como o monitoreo de aves.

    Ademais, a finais de novembro Zaira rematou a súa estancia en Honduras de voluntariado técnico no terreo, pero antes nos deixou esta crónica.


MOZAMBIQUE

No mes de novembro continuouse traballando principalmente no estudo de inundacións no sur do país empregando o software Iber+ como ferramenta de análise. Estase a desenvolver un traballo de formación práctica na Administración Rexional da Auga do Sur de Mozambique (ARA Sur) en Maputo para que manexen as bases de este tipo de estudos, para iso o traballo inicial estase a desenvolver con bacías piloto de interese a ARA Sur, organismo homologo a Augas de Galicia no sur Mozambique. A finais de mes houbo unha nova visita técnica que terá continuidade en decembro que ademais do traballo en Maputo coa ARA Sur, incluirá unha estancia en Tete na que se traballará no diagnostico dos estudos e a xestión de inundacións coa Administración Rexional da Auga do Centro de Mozambique.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio


Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes toca recomendación doble do noveno arte, a banda deseñada:

  • Viñetaria, ensaio de Elisa McCausland e Diego Salgado sobre a historia deste arte contando coas mulleres, tradicionalmente invisibilizadas tamén nesta arte
  • ¿A quién benefician las migraciones? El negocio de las fronteras cerradas, da periodista Taina Tervonen co debuxante Jeff Pourquié

E, de regalo, esta entrevista ao debuxante e viñetista Miguel Brieva, un dos referentes da viñeta crítica co sistema.


E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

  • 1 de decembro: Día Mundial da Loita contra o SIDA
  • 2 de decembro: Día Internacional para a Abolición da Escravitude (segue habendo moitos tipos dela…)
  • 3, 10 e 11 de decembro: Seminario Dereito ao Hábitat, interseccionalidade e barrios de coidados, con Arquitectura Sen Fronteiras
  • 3 de decembro: Día internacional das Personas con Discapacidade
  • 3 de decembro: Día Internacional non uso de plaguicidas
  • 4 de decembro: data límite para presentar propostas ao concurso de propostas didácticas de tecnoloxía para a transición ecosocial e para o ben común, Hackers Sen Fronteiras
  • 5 de decembro: Día Internacional do Voluntariado para o Desenvolvemento Económico e Social
  • 5 de decembro: Día Mundial do Solo
  • 9 de decembro: data límite para presentar propostas a asistencia técnica para proxecto de ESF no Golfo de Fonseca
  • 9 de decembro: Día Internacional contra a Corrupción
  • 9 de decembro: Día Internacional para a Conmemoración e Dignificación das Víctimas do Crime de Xenocidio e para a Prevención dese Crime
  • 9 de decembro: Día Internacional da Informática
  • 10 de decembro: Día dos Dereitos Humanos
  • 16 de decembro: 20h. Ciberfaladoiro «Pode o coche eléctrico ser parte da solución?». Aproveitaremos para coñecer de primeira man a iniciativa de coche comunitario da Comunidade Enerxética de Froxán. Nesta sala
  • 18 de decembro: Día Internacional da Persoa Migrante
  • 19 de decembro: Día das Nacións Unidas para a Cooperación Sur-Sur
  • 19 de decembro: almorzo de Nadal na oficina de ESF da Escola de Camiños na Coruña, a partir das 10h
  • 20 de decembro: Día Internacional da Solidariedade Humana
  • 20 de decembro: pecha o prazo de matrícula para o Curso de Facilitación de Grupos, nivel básico, que organiza Subúrbia con Amigas da Terra.
  • 23 de decembro: 11:30h. Encontro de nadal de ESF en Santiago de Compostela. 11 a 13h no CSC Fontiñas de Santiago de Compostela. 14h comida

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD.


A ESF-RASE DO MES

“A natureza non é un luxo, senón unha necesidade do espíritu humano, tan vital como a auga ou o bo pan”
Edward Abbey

Boletín Oficial ESFeiro: novembro 2024

      💜🧡 Este mes queremos lembrar que dende ESF queremos xerar un espazo seguro e libre de violencias. Por iso, temos a vosa disposición un punto lila, xestionado polo Grupo de Xénero e Feminismos de ESF, para recibir denuncias de violencias machistas no contexto de actividades de ESF ou que impliquen persoas da asociación. Na Asemblea de outono 2024 que tivo lugar o primeiro fin de semana de novembro, aprobouse ademais o Protocolo contra a Violencia Patriarcal en ESF.

    Ademais, este mes de novembro estará aberto o prazo para presentarse ao Concurso de propostas didácticas de tecnoloxía para o ben común en secundaria e FP, do que pregamos difusión.

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   ESte mes foi de actividade frenética.

    Tivemos regueifas con Amigas da Terra e a plataforma MIna Touro-O Pino NON, dentro do proxecto Mulleres Bravas. Chegaron a Galicia Nancy e Francisca, dúas labregas hodureñas. Nancy estará até mediados de novembro en Galicia, coñecendo distintas granxas e loitas do territorio, grazas ao proxecto Mulleres Bravas, en colaboración co Sindicato Labrego Galego (SLG). Empezaron forte a estancia en Galicia, cun roteiro feminista na Coruña, faladoiros na EPSE de Lugo e no Centro de FP de Mondoñedo, visitas institucionais e a participación no encontro da rede Nos Plantamos, en Allariz. Despois Nancy empezou a súa xira por Galicia, da que nos foi dando boa conta o SLG.

    En Teo tivemos o encontro anual da Rede de Bancos de Reciclaxe Electrónica con Software Libre, e aproveitamos para facer un repair café mixto de computadoras-bicis, en colaboración con Compos-cleta, grazas ao noso programa ESF no eido profesional (financiado por fondos IRPF-Xunta de Galicia e Cooperación Galega). Aproveitamos para amosar a expo «Coñeces o teu móbil?». Dentro deste mesmo proxecto, participouse na Feira de Tecnoloxías Abertas da Coruña OSHWDem 2024 e tamén organizouse un ciberfaladoiro sobre Funcionamento do sistema enerxético eléctrico, como interpretar a factura eléctrica e alternativas ás multinacionais. Non nos esquecemos dun novo Repair Café na Praza Europa da Coruña, dentro da feira de mercados de economía sustentable.

    Coas participantes no Programa de Voluntariado Internacional de Coñecemento doutras Realidades de volta en Galicia, tivemos en Coruña oportunidade de coñecer algo da experiencia de Martina e Sandra de primeira man.

    Varias persoas de ESF participaron na manifestación Galiza por Palestina.

    Dentro do proxecto ESF na Universidade, financiado por IRPF-Xunta de Galicia e Cooperación Galega, houbo un encontro de voluntariado da UVigo. Ademais, en Ferrol presentouse o novo Banco de Reciclaxe Electrónica con Software Libre universitario, cun repair café.

    En A Coruña, no proxecto IRPF-Bancos de Reciclaxe en colaboración con Ecos do Sur, comezou o curso de 35 horas de nivel medio de mantemento e reparación de equipos. Aínda están previstos outro na Coruña e outro en Vigo antes de rematar o ano! A actividade do Banco da Coruña mantívose semanalmente, e tamén houbo un par de quedadas en liña da rede galega.

    Dentro do proxecto Hackers Sen Fronteiras, destacou os faladoiros en FP ciclo medio e superior do IES de Curtis, como parte da actividade piloto en centros de FP, que tivo moi boa acollida.


HONDURAS

    En Honduras, no eixo de traballo de soberanía alimentaria e defensa da terra, dentro do programa de Restauración de Lagoas de Inverno, entregouse un kit de contedores para separar o lixo en distintos centros educativos. Dende o nosa socia CODDEFFAGOLF nos explicaron que se entende por «pesca continental» e a importancia das lagoas de inverno para as aves.

    Dentro do eixo de traballo de Dereito Humano á auga, houbo un intercambio de experiencias entre os Consejos de Microcuencas Panasacaran – Rio Laure. Tamén houbo unha xornada de educación ambiental no centro educativo Manuel Bonilla, municipio de Nacaome.


MOZAMBIQUE

    No mes de outubro tivo lugar una visita técnica a Maputo cunha duración de 30 días nos que o traballo se centrou no fortalecemento do persoal da Administración Rexional da Auga do Sur de Mozambique (ARA Sur), organismo homologo a Augas de Galicia no sur país. O obxectivo da visita foi o de realizar in situ formación teórico práctica para a análise de inundacións co obxectivo de que a ARA Sur poida dispoñer de estudos que lle axuden na toma de decisións, e coa formación do persoal para a realización dos devanditos estudos como elemento fundamental. O traballo de formación coa a ARA Sur parte da base do curso en liña de iniciación ao Iber+ realizado polo técnico de referencia da ARA Sul para eventos extremos, grazas ao apoio do Grupo de Enxeñería dá Auga e do Medio Ambiente (GEAMA) da Universidade da Coruña.    

Nos meses de novembro e decembro haberá novas visitas técnicas para continuar con esta liña de traballo coa ARA Sur en Maputo e para dar os primeiros pasos na cidade de Tete coa ARA Centro.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes traemos a recomendación de seguir a un colectivo chamado Total Refusal, que, dalgún xeito, podemos dicir que hackea os videoxogos máis coñecidos para xenerar reflexión política, facendo mesmo curtametraxes dentro dos xogos.


E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD


A ESF-RASE DO MES

Non podes poñer no mundo unha tecnoloxía que non foi probada. E ese control debe facerse a través dunha auditoría pública. As empresas non o están facendo, non se están autorregulando. Por iso temos ás tecnoloxías que temos. Entón creo que debe ser algo que a ser considerado na regulación. E logo, a participación da cidadanía nos procesos de gobernanza, de desenvolvemento, de implementación, é dicir, en todas as fases do ciclo de vida da intelixencia artificial.

Paola Ricaurte Quijano, investigadora, referente en intelixencia artificial e feminismo

Boletín Oficial ESFeiro: outubro 2024


Se es máis de escoitar, aquí tes o Boletín Sonoro, de 9 minutiños. Se non, segue lendo.

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En Galicia, arrancamos o novo curso académico presentando a segunda Fase do programa Hackers Sen Fronteiras, de tecnoloxía para o ben común no ensino secundario (e agora tamén na Formación Profesional!).

    Na Domus, tivemos outro dos nosos repair café e un encontro de reparación de bicis eléctricas no Taller Re-Ciclos na Coruña.

    Participouse nunha reunión de traballo cara unha estratexia de xénero da cooperación galega, así como na xornada Facifestia, para visibilizar o potencial transformador da facilitación de grupos.

    Tivemos tempo tamén para os artigos de divulgación. A nosa Alba fixo un interesante artigo de reflexión sobre mobilidade e espazo público pola Semana Europea da Mobilidade. No blogue de El Salto La Tecnología no nos Salvará, o noso Sergio fala de comunicación en positivo para a transformación social.

    Comentar tamén que estivemos nun proceso para seleccionar a unha nova persoa contratada para apoiar os proxectos que realizamos en Galicia. Será Martina, que era voluntaria e está recén chegada de Honduras de participar no Programa de Voluntariado Internacional de Coñecemento doutras Realidades.


HONDURAS

    En Honduras, no eixo de soberanía alimentaria, no programa de restauración de lagoas de inverno, houbo un proceso formativo con 25 personas de seis grupos comunitarios organizados como caixas de aforro e crédito . Realizouse ademais o 3º monitoreo de calidade de auga na lagoa de inverno de Guapinol. Tamén neste eixo de soberanía alimentaria, pero no programa de agricultura resiliente, houbo un taller de productos alimentarios.

    No eixo de promoción do dereito humano á auga, no proxecto financiado pola AECID, houbo coa Mancomunidade NASMAR unha formación de 𝗙𝗼𝗿𝘁𝗮𝗹𝗲𝗰𝗶𝗺𝗶𝗲𝗻𝘁𝗼 𝗱𝗲 𝗖𝗮𝗽𝗮𝗰𝗶𝗱𝗮𝗱𝗲𝘀 𝗲𝗻 𝗦𝗶𝘀𝘁𝗲𝗺𝗮𝘀 𝗱𝗲 𝗜𝗻𝗳𝗼𝗿𝗺𝗮𝗰𝗶𝗼́𝗻 𝗚𝗲𝗼𝗴𝗿𝗮́𝗳𝗶𝗰𝗮. Ademais, CODDEFFAGOLF organizou obradoiros de muralismo en centros educativos para a sensibilización ambiental e de defensa da auga. Houbo tempo tamén para reunións institucionais para coordinación e colaboración, como a que a Mancomunidade NASMAR tivo co SANAA.

    Tamén houbo un evento que tiñamos moitísimas ganas de realizar, que foi o encontro de Mulleres Bravas en Honduras. Nel, participaron case todas as mulleres que nos visitaron nalgún momento en Galicia dentro deste programa, que leva en marcha dende 2019. Sandra, axudada por Martina, participantes no programa de voluntariado internacional de coñecemento doutras realidades (PCR), tiveron moito que ver para levalo adiante. Aquí a crónica.

    Martina ademais nos deixou unha das súas crónicas máis reflexivas, xusto antes de regresar a Galicia (onde temos tamén xa de volta a Sandra). Alí segue Chevi, que a principios de mes nos deixou outra das súas crónicas. En breve o teremos de volta en Galicia tamén!

    Ademais, en setembro chegou a Honduras Zaira, para participar nun Voluntariado Técnico en Terreo como apoio ao equipo de ESF en Honduras. Xa nos contou as súas primeiras impresións.


MOZAMBIQUE

En setembro comezou unha nova visita técnica a Mozambique na cal estase a traballar coa Administración Rexional de Auga do Sul (ARA Sul) na análise de inundacións. Para isto, estanse a dar os primeiros pasos co persoal técnico da oficina da ARA Sul en Maputo. Empézase coa realización dun estudo de inundación nunha bacía piloto que poida servir -ademais de como exemplo práctico para o fortalecemento institucional da ARA Sul- como base para a delimitación de zonas inundables e a identificación de poboacións e infraestruturas vulnerables fronte a este tipo de eventos. Coas ARAs Norte e Centro está a continuar o traballo en relación a análise de secas e precipitacións e, con esta última, estase a intensificar o traballo para comezar a abordar o campo das inundación dun xeito práctico no ano próximo.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes volvemos con recomendación musical. Desta volta non é unha canción ou artista concretas, se non un movemento que nos amosa este recomentable documental: Cita cos punks de cultura musulmana


E NO PRÓXIMO MES …

    Este mes estreamos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

    As violacións de privacidade, os nesgos algorítmicos, a difusión de información falsa e o desemprego tecnolóxico causado pola automatización intelixente, teñen impactos tanxibles hoxe en día. Entrar en paranoias e distopías relacionadas coa IA non só non nos axuda, senón que nos distrae de todos os problemas que son reais.

Alberto Bugarín e Senén Barro, catedráticos do CITIUS-USC

Boletín Oficial ESFeiro: setembro 2024


Xa que en xullo e agosto non tivemos versión sonora dos boletíns, traemos nesta ocasión o Boletín Sonoro do Verán 2024, se prefires versión podcast. Se non, segue lendo!

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   En agosto,  concretouse a creación do Punto Lila na nosa páxina web. Tivemos tamén un par de sesións da serie de obradoiros sobre electrificación de bicicletas, aprendendo a soldar e o mantemento de baterías. Ademais, Enxeñería Sen Fronteiras quedou por fin rexistrada como Entidade de Carácter Ambiental de Galicia.


HONDURAS

    No programa de restauración de lagoas de inverno, dentro do eixo de traballo que temos sobre soberanía alimentaria, houbo monitoreo de peces e crustáceos. Siguen os traballos de limpeza de canles de abastecemento da lagoa de O Quebrachal e tamén da reforestación do manglar. Houbo tempo para unha xira de intercambio de experiencias onde persoas involucradas na restauración da lagoa da Berbería compartiron con outras da lagoa de Guapinol. Ademais, fíxose  unha actividade dando a coñecer os ecosistemas das lagoas de inverno cunha visita dun centro educativo. Aquí deixamos unha entrada na web resumindo as distintas actividades deste programa.

    Dentro do eixo de traballo de Dereito á Auga, as obras do abastecemento de auga de El Sartenejal avanzan a bo ritmo, incluindo un 𝗧𝗮𝗹𝗹𝗲𝗿 𝗱𝗲 𝗟𝗶𝗱𝗲𝗿𝗮𝘇𝗴𝗼 𝗰𝗼𝗻 𝗘𝗻𝗳𝗼𝗾𝘂𝗲 𝗱𝗲 𝗚𝗲́𝗻𝗲𝗿𝗼 𝗲 𝗜𝗻𝗰𝗹𝘂𝘀𝗶𝗼́𝗻 na comunidade. Ademais, houbo acción de arte social ambiental en Moropocay con estudantes da escola.

    Sandra, Martina e Víctor, participantes no Programa de Coñecemento da Realidade, mandáronnos varias crónicas do que están a vivir en Honduras. Ademais, Sandra compartiunos un mapeo de organizacións feministas do sur de Honduras.


MOZAMBIQUE

    En agosto déuselle continuidade o traballo coas 3 Administracións Rexionais da Auga de Mozambique (Sur, Centro e Norte) para a monitoria da seca, a análise de precipitacións e o estado de encoros e tamén se traballou nas análises preliminares para os estudos de inundacións. Neste mes avanzouse no apoio ao traballo de fin de máster en hidroloxía dun técnico da ARA Sur baseado en estudos realizados no ámbito do proxecto. No mes de setembro terá lugar unha misión a Mozambique centrada no traballo coa ARA Sur en inundacións.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes traemos música reivindicativa, co «Rap de Altri das cachenas«.


E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

    A tecnoloxia ofrécenos unha excusa para non afrontar problemas sociais cada vez máis críticos. 

Virginia Eubanks

Boletín Oficial ESFeiro: agosto 2024

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En xullo houbo bastantes actividades, ademais da preparación dun par de proxectos para a convocatoria de educación para a cidadanía global da Cooperación Galega da Xunta de Galicia. Apoiamos a celebración dun obradoiro de electrificación de bicicletas no banco de Ames, un repair café na Domus da Coruña e o encontro en liña mensual da Rede de Bancos de Reciclaxe con Software Libre, presentando «oficialmente» ao Banco de Ferrol. Continuaron as entregas de computadoras dos bancos e rematouse o curso de 35 horas con Ecos do Sur en A Coruña sobre mantemento e reparación básica de computadoras.

    Tamén estivemos en Lugo con varias reunións con profesorado dentro do proxecto de ESF na Universidade. Asistimos ao encontro da rede Galicia Abriga, para coñecer a dúas das participantes deste ano. Dentro do proxecto Mulleres Bravas, impulsouse con AGARESO e Amigas da Terra un obradoiro de comunicación de guerrilla coa plataforma Ulloa Viva. Despedimos o mes co primeiro pícnic veraniego de ESF, un encontro para festexar.


HONDURAS

    Este mes en Honduras, dentro do eixo de Dereito Humano á Auga, houbo formación técnica para el personal responsable del laboratorio de análisis de agua de la región sanitaria N°17. Tamén no programa de auga, houbo obradoiros de teatro e títeres para a protección da auga e ecosistemas acuáticos. Ademais, na comunidade de El Sartenejal, seguen os avances no sistema de auga, e fíxose formación en estación total a persoal técnico, e en xénero a toda a comunidade.
    No programa de restauración das lagoas de inverno, dentro do eixo de Soberanía Alimentaria, houbo xa avances, que compartimos aquí.

    Algo importante neste mes foi a chegada a Honduras das tres participantes no Programa de Voluntariado Internacional de Coñecemento doutras Realidades. Xa empezaron a chegar as crónicas, Martina 1 e 2 e Sandra 1 e 2. Nas vindeiras semanas seguirannos informando (uníndose Víctor ás crónicas).


MOZAMBIQUE

En xullo déuselle continuidade o traballo coas 3 Administracións Rexionais da Auga de Mozambique (Sur, Centro e Norte) para a monitoria da seca, a análise de precipitacións e o estado de encoros. No ámbito das inundacións, avanzouse coas análises preliminares para o estudo piloto que será realizado nunha bacía do sur de Mozambique. Coa ARA Sur coordináronse os contidos e o desenvolvemento da seguinte misión a terreo, que terá lugar en setembro e que se centrará principalmente no traballo no ámbito das inundacións. En Galicia realizouse unha reunión co grupo de voluntariado na cal se falou sobre a realidade socio-política de Mozambique e das perspectivas do traballo en inundacións. Ademais, sacamos a contratación do servizo técnico anual de apoio en fortalecemento para monitoreo de eventos extremos.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes queremos recomendar a unha cantautora galega moi comprometida que nos encanta: Zeltia Irevire


E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

    Se ben a finais de 1970 a palabra ecofeminismo despertou certo rexeitamente no movemento feminista, porque se asociaba a plantexamentos esencialistas que reforzaban o estereotipo muller-natureza, esta perspectiva deu a posibilidade de fomentar a urxencia de revisión crítica do proceso de desenvolvemento da ciencia e da tecnoloxía occidentais como elemento clave no proceso de dominación, colonización e expansión do capitalismo patriarcal

Giulia Costanzo Talarico. Socióloga e activista ecofeminista

Boletín Oficial ESFeiro: xullo 2024


CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   Este mes  presentamos Enxeñería Sen Fronteiras en Sumando Esfuerzos, un programa da RTVE sobre cooperación ao desenvolvemento, no que outro día falamos do proxecto Hackers Sen Fronteiras.  Ademais, tivemos ao noso Sergio como membro da comunidade de software libre como entrevistado en Mancomún.

    No día do medio ambiente fixemos unha reflexión sobre como debería ser a tecnoloxía nun planeta finito e o 17estivemos en Pontevedra xogando a imaxinar bos futuros en distintos escenarios e como chegar a eles dende diferentes roles, enfrontando distintas ameazas, grazas á invitación do Postgrowth Laboratory da UVigo co seu proxecto #Explicit.

    ESF decidiu asinar o comunicado de apoio ao Peche USC, que o día 12 de xuño foi desaloxado pola policía. Por outra banda, o 25 de xuño participamos na acción en redes de Paramos por Gaza. Seguindo coas accións reivindicativas, participamos na mobilización Altri NON rodeando a sede da Xunta de Galicia en Santiago de Compostela,

    Tivemos un encontro con persoas do Mercado Social A Coruña para colaborar (en 27 de outubro teremos un obradoiro de reparación de computadoras no mercado da Praza Europa, aínda queda moito, pero fainos ilusión!).

    Tivemos a primeira actividade de traballo con plataformas de defensa da terra e territorio de Galicia, neste caso con Amil Sen Eólicos, onde dentro do proxecto Mulleres Bravas organizamos un obradoiro de Comunicación de Guerrillas, con Amigas da Terra e AGARESO. Encantounos estar no seu entorno, coñecendo de primeira man, no seu territorio, as problemáticas, e como loitan sen descanso para facerse escoitar. Esta esperamos que sexa a primeira actividade de apoio de moitas que veñan.

    Nos bancos de reciclaxe, foi un mes movidiño, cu repair café o día 1 na Domus da Coruña, outro o 8 en Milladoiro, e obradoiros como o de soldadura electrónica ou o curso medio de Mantemento de computadoras e alfabetización dixital con software libre, que son 35h que empezamos con Ecos do Sur. Tamén tivemos un encontro en liña coa xente de Restarters BCN.

    Aproveitamos o bo tempo para facer unha pequena xira coas compas de COXAPO e coñecer algunha das tecnoloxías que empregan nas traídas veciñais de auga que son socias súas en Galicia. Algo seguro que nos axuda para problemáticas que estamos detectando en Honduras (como metais pesados).


HONDURAS

    En Honduras, dentro do proxecto de restauración de lagoas de inverno (programa de soberanía alimentaria e defensa da terra), houbo unha formación coa asociación Aves Honduras sobre monitoreo de aves, importantes para coñecer a saúde dos ecosistemas. Tamén se retiraron as cámaras trampa da lagoa de Guapinol, que se está a restaurar pero quérese ter unha imaxe inicial da súa biodiversidade para poder comparar posteriormente. Tamén estiveron a instalarse novas cámaras na microcunca do río Laure

    Dentro do programa de auga, fixéronse unhas representacións de teatro ambiental ben bonitas.

    Ademais dende hai moi pouquiño están en Honduras Martina e Sandra, dúas das tres participantes este ano no programa de coñecemento doutras realidades. Irannos contando proximamente como lles vai. Para despedilas tivemos unha xornada de xogos e dinámicas para a transformación social, que compartimos aquí. Tamén puidemos coñecer máis sobre os proxectos que, durante xuño, estiveron preparando en Honduras para conseguir financiación na convocatoria 2024 da Xunta de Galicia para proxectos de cooperación, co obradoiro de marco lóxico que tivemos. A finais de xuño os presentamos, crucemos os dedos!


MOZAMBIQUE

  No mes de xuño dentro do programa AQUAMOZ, foron elaborados e entregados o informe final da Fase 4 do proxecto e a auditoría financeira desa mesma fase. Coas Administracións Rexionais da Auga de Mozambique continuouse traballando no fortalecemento en relación á monitoria da seca e tamén na recompilación de información e na elaboración das análises preliminares para a definición das bacías de maior interese para a realización dos estudos piloto de inundacións previstos para as 3 ARAs. O ámbito das inundacións centrará gran parte dos esforzos da actual fase do proxecto.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes imos ao teatro. Recomendamos Cuerpos celestes, onde a compañía de teatro AzconaToloza aborda a temática do extractivismo. Aquí unha boa crítica.


E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

Os científicos temos que ser activistas… non nos queda outra!
Fernando Valladares. Científico e profesor universitario



Boletín Oficial ESFeiro: xuño 2024

Aquí podes ver o Boletín Sonoro, resumo deste BOE en formato podcast.

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

En maio tivemos estrea da nosa nova exposición Coñeces o teu móbil?, que pretende sensibilizar sobre os materiais empregados para fabricar teléfonos móbiles, a súa procedencia, e a necesidade de reducir o hiperconsumo electrónico. Tres persoas de ESF participaron no ESLibre (congreso de cultura e tecnoloxía libres) e nos deixaron unha pequena crónica. Hackers Sen Fronteiras pasaron polo IES de Brión cun obradoiro de cacharreo electrónico. Estivemos falando de Tecnoloxías Conviviais e para o ben común dentro da Primavera para o Decrecemento de Pontevedra.

Continuou a formación das 3 participantes no Programa de Voluntariado Internacional de Coñecemento doutras Realidades, cun encontro en liña para falar de diversos aspectos de Honduras, especialmente nos relativos a seguridade e saude.

Tivemos o 1º Ciberfaladoiro Feminista de ESF, falando de Teoría feminista. Esperamos deixar pronto unha crónica por se non puideches estar!

Participamos na campaña en liña a prol das Comunidades Enerxéticas, para recoller sinaturas para que o goberno do Estado Español ás potencie. Tamén estivemos na manifestación en Palas de Rei contra a instalación da fábrica de celulosa da empresa ALTRI, e aquí deixamos as razóns polas que nos opoñemos. 


HONDURAS

En Honduras maio foi un mes de actividade intensa.

No programa de promoción do dereito á auga:

No programa de soberanía alimentaria e defensa do territorio, presentouse aos directores dos centros educativos das comunidades costeras do municipio de El Triunfo o Programa de educación ambiental que se estará desenvolvendo nestes centros educativos. Ademais, inaugurouse a aula de innovación e creatividade para estudiantes do Instituto Felipe Agustino, municipio de San Lorenzo.

Durante o mes de maio e xuño se están preparando dúas propostas de proxectos, unha no programa de dereito á auga e outra no de soberanía alimentaria, para conseguir financiación da Cooperación Galega da Xunta. A ver se hai sorte!


MOZAMBIQUE

No programa de Mozambique, tivemos a boa nova da autorización da sinatura do convenio coa Xunta de Galicia para levar a cabo a quinta fase do programa AquaMoz. En concreto, destíñanse 332.500 euros para levar a cabo a iniciativa até 2026, o cal é moi bo, xa que pasamos de convenios anuais a este trianual, que implica máis continuidade e facilita a xestión. Ademais, continua o traballo coas tres Administracións Regionais da Auga (ARA) do país, empezando a entrar na xestión de inundacións, que será a vindeira liña de traballo, tras varios anos centrándose en secas.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes vimos co noveno arte, o cómic. El cielo en la cabeza, de Antonio Altarriba, Sergio García e Lola Moral, fálanos da historia dun rapaz congoleño chamado Nivek e da súa odisea.


E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

«A tecnoloxía non está libre de humanos». 

Luz Castro en xornada hackivismo feminista Uvigo

Boletín Oficial ESFeiro: maio 2024

Aquí podes escoitar o resumo en formato podcast no Boletín Sonoro Maio 2024. Se es máis de lectura, segue lendo!

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   Puidemos ver algo fixo nunha formación sobre bioconstrución co proxecto da PDI Patricia Muñiz, apoiado pola bolsa de ARtigo9Tech para incluir a tecnoloxía para o ben común na universidade. O IES Primeiro de Marzo de Baiona, gañador do concurso de propostas Hackers Sen Fronteiras, presenta o seu proxecto de Banco de Reciclaxe. A través da Coordinadora Galega de ONGD, promovimos a solicitude de información sobre empresas colaboradoras ás tres universidades públicas galegas.

    Tamén seguiron as actividades dos Bancos de Reciclaxe con Software Libre. O da Coruña vén de estrear unha mini-web coa iniciativa fala.gal, para non perderse ningún dos vindeiros eventos. Tivo un obradoiro interno para elaborar quitafumes. O 26 organizou un Repair Café na Domus, con cacharreo do bo. O día 12 fíxose unha pequena formación e entregáronse 6 equipos a outras tantas familias, co proxecto financiado por fondos IRPF con Ecos do Sur. Persoas do Banco de Vigo fixeron un obradoiro de cacharreo con computadoras no IES Primeiro de Marzo, gañador do I concurso de propostas de tecnoloxía para o ben común no ensino secundario (que acababa de presentar a web do Banco Escolar que están a montar). Noutro Banco da Rede, o de Milladoiro, tamén tocou Repair Café, este o 27 de abril. Rematou o mes coa reunión mensual da Rede, na que invitamos a persoas de iniciativas doutros lugares do Estado Español.

    O día 13 tivemos a xuntanza de primavera da nosa base social, en Compostela.

    Dentro do proxecto de ESF na Universidade, o 18 e o 25 estivemos na Escola Técnica Superior de Enxeñería de Compostela, vendo posibilidades de voluntariado e participación en traballos académicos con ESF.


HONDURAS

    En Honduras estívose entregando a personería xurídica das agrupacións de productoras, dentro do Programa de Soberanía Alimentaria. No mesmo programa, despois das correspondentes medicións, estase xa cos movementos de terras para a restauración da lagoa de inverno de Berbería, da que dependen para o seu sustento varias comunidades da zona (ás que se presentou o proxecto), e se atopaba en mal estado por colmatacións e sedimentos que impedían a circulación da auga. Houbo tempo para participar no Festival «Importancia de la Pesca Artesanal», onde visibilizouse a actividade das mulleres marisqueiras da zona do Golfo de Fonseca.

    No outro programa en marcha (lembrar que dentro de cada programa pode haber varios proxectos en marcha, con unha ou varias entidades financiadoras), o de Dereito á Auga, destaca a xira de persoas da microcunca hidrográfica de Panasacaran (Moropocay, municipio de Nacaome), para coñecer a experiencia da comunidade de Santa Isabel (municipio de Namasigüe).


MOZAMBIQUE

En Mozambique no mes de abril o traballo centrouse na mellora do manual de procedementos operativos para a xestión da seca da Administración Rexional de Auga do Sur (ARA Sur).  Entre outras cousas, introducíronse cambios en relación á clasificación do estado dos embalses. Coa ARA Sul tamén se traballou no acompañamento para a aplicación de mellorías no boletín mensual de seca. Á súa vez, déuselle seguimento ao traballo dos técnicos das 3 ARA (Sur, Centro e Norte) para a análise dos resultados finais de caracterización da época chuviosa 2023-2024, con especial incidencia na comparación dos resultados relacionados coa seca en períodos anteriores. De modo paralelo comezouse a traballar na planificación da seguinte misión a Mozambique.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes queremos lembrar a Luz Fandiño, a activista e escritora compostelá que finou a finais de abril. Calquera das súas obras poéticas paga a pena. Aquí atopamos unha pequena escolma.


E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

    O recurso máis escaso non é o petróleo, os metais, o aire puro, o capital, o traballo ou a tecnoloxía. É a nosa vontade de escoitar ás outras persoas e aprender delas, buscando a verdade en vez de ter a razón.

Donella Meadows

Boletín Oficial ESFeiro: abril 2024


Se prefires a versión resumida sonora, aquí tes o Boletín Sonoro de abril.

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   Comezamos o mes coa sinatura convenio coa Universidade da Coruña para desenvolver actividades de aprendizaxe-servizo. Ademais, temos xa rexistrados e aprobados polo Ministerio del Interior os novos estatutos de Enxeñería Sen Fronteiras. Ademais, contamos nun breve vídeo o que dende ESF podemos aportar ao novo programa Galicia Abriga, para protección de defensoras de dereitos humanos. Tamén tivemos un encontro da base social de Vigo aproveitando a acollida das persoas que van participar no Programa de Voluntariado Internacional de Coñecemento doutras Realidades 2024, así como un ciberfaladoiro sobre «O de telegram», onde tivemos ocasión de falar sobre soberanía dixital. Deixamos unha pequena crónica. Tivemos tempo tamén de facer un faladoiro sobre Dereito á Auga na Escola Técnica Superior de Enxeñería de Santiago de Compostela.

    Pero, sen dúbida, a actividade máis importante de marzo foi a visita que Mariela e Verónica, mulleres bravas de Honduras, fixeron a Galicia. Aquí deixamos unha breve crónica escrita, unha en formato audiovisual, ademais dunha entrevista a Mariela e outra a Verónica. Tamén se poden ver os distintos eventos aquí. Foi unha visita intensa e moi enriquecedora. En outono, outra visita chegará a Galicia, pero neste caso será unha activista que se quedará varias semanas. Máis información sobre o programa na súa web mulleresbravas.gal.


HONDURAS

    En Honduras, no programa de soberanía alimenaria, durante o mes de marzo destacou a socialización do protocolo de investigación comunitaria das mulleres marisqueiras. Tamén é reseñable o vídeo que CODDEFFAGOLF fixo sobre restauración do manglar na área protexida de Los Delgaditos.

    No programa de dereito humano á auga, tivo lugar con motivo do Día Mundial da Auga, o Simposio «Agua para la paz». Ademais, siguen os traballos de acondicionamento do novo laboratorio de análise de augas do sur de Honduras.


MOZAMBIQUE

No mes de marzo traballouse coas tres Administracións Rexionais da Auga (ARAs) de Mozambique (Sur, Centro e Norte) na análise final da época chuviosa que vai dos meses de outubro a abril. Para iso traballouse no intercambio de información e análise cos puntos focais das tres ARAs no estudo das precipitacións co fin de obter os resultados e capacitar aos técnicos locais no manexo dos datos. De modo paralelo, traballouse coa ARA Sur na mellora do seu boletín de seca e os procesos de xestión da mesma, e avanzouse coa titoría do TFM do mestrado de hidroloxía da UEM que está a realizar un técnico da ARA Sur. Parte do traballo tamén se centrou na preparación da campaña de difusión do proxecto AquaMoz, que se realizará nas próximas semanas.


ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano


RECOMENDACIÓN ARTÍSTICA

    Este mes fixámonos en iSlave, obra que se estrea nos Teatros del Canal de Madrid. Trátase dunha obra que une disciplinas como teatro, danza, música ou performance para reflexionar sobre a esclavitude das pantallas. Oxalá se puidese traer a Galicia…


E NO PRÓXIMO MES …

  • 7 de abril: Día Mundial da Saúde
  • 8 de abril: Pecha o prazo para apuntarse ao Curso: “O territorio dixital, territorio de coidados”, de 17 a 19
  • 11 de abril: comeza a Primavera polo Decrecemento en Pontevedra
  • 13 de abril: XUNTANZA DE PRIMAVERA DA BASE SOCIAL DE ESF. Ás 10h no Centro Social As Fontiñas, Santiago de Compostela
  • 17 de abril: Día Internacional da Loita Campesiña
  • 18 de abril: faladoiro na Escola Técnica Superior de Enxeñería sobre participación en ESF e posibilidades de TFM-TFG en cooperación. 12:30 no salón de actos
  • 22 de abril: Día da Terra
  • 26 de abril: de 17.00 a 20.00 horas. Cafe repair na Domus (A Coruña)
  • 28 de abril: Día Mundial da Seguridade e Saúde no Traballo
  • 9 de maio: faladoiro «Tecnoloxías convivenciais», 19h dentro da Primavera polo Decrecemento. Pontevedra

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD


A ESF-RASE DO MES

Na loita pola soberanía, a cousa vai de comunidades. Ninguén inventa, constrúe ou programa en solitario, sinxelamente porque a complexidade da tarefa é tal que eso resultaría imposible.

Margarita Padilla