Boletín Oficial ESFeiro: febreiro 2023

Benvidxs ao BOE de febreiro 2023. Se prefires a versión sonora resumida en 6 minutiños en formato podcast, aquí podes escoitala!

CONTIDOS

Vida Asociativa
Honduras
Mozambique
Enlaces de interese
Recomendación artística
E no próximo mes …
A ESFrase do mes

VIDA ASOCIATIVA

Este mes soupemos que teremos representación ESFeira no encontro de persoas interesadas en Cultura Libre e Tecnoloxías Abertas (esLibre), para falar da rede de Bancos de Reciclaxe Electrónica con #SoftwareLibre de Galicia. A Zaragoza que imos en maio!

Ademais, Thais Pousada, do grupo de Tecnoloxía Inclusiva, publicou un post no blogue La Tecnología No Nos Salvará, en El Salto, falando de tecnoloxías de baixo custo para apoio ás persoas con discapacidade.

Despois do proceso de selección realizado en xaneiro, o 1 de febreiro se incorporou ao equipo técnico de persoas contratadas de ESF Sandra, que viaxará a Honduras para apoiar no seguimento dos proxectos ao equipo que xa estaba aló.

Dentro do programa Hackers Sen Fronteiras, onde levamos temáticas relacionadas con distintos aspectos da tecnoloxía para o ben común, houbo no IES San Rosendo de Mondoñedo un obradoiro de escritura creativa distópica a cargo de Antía Yañez (e saíron historias ben chulas!).

HONDURAS

Xaneiro foi un mes tranquilo nos proxectos, tralas festas de Nadal.

Destacamos que, no programa de promoción de dereito á auga, persoal da Mancomunidade NASMAR e da Secretaría de Salud fixeron levantamento de información para ampliar a obra do Laboratorio de Auga. Se pretende empregar un laboratorio que servía para análise de sal, auga e alimentos que estaba en desuso na poboación de Jícaro Galán, rehabilitándoo. Acordouse ampliar equipamento inicialmente previsto para mellorar a detección de metais pesados, pola alta incidencia dalgunhas enfermedades, como a enfermedade renal crónica no sur do país (xa hai tempo que se coñece a relación entre metais pesados e esta enfermedade). No sur do país, hai moita xente en diálise en centros que funcionan a 3 turnos de persoal pola alta demanda. No proxecto que se está a comezar financiado pola Agencia Española de Cooperación, ademais desa rehabilitación do laboratorio, estudarase a auga da zona de Laure e de Sartenejal, debido a esta situación. Tamén se está a buscar financiación a maiores para esa ampliación de equipamento, por exemplo co Fondo Galego de Cooperación.

Dentro do programa de apoio ao dereito á alimentación con enfoque de soberanía alimentaria, estes días estiveron con formacións para colectivos de mulleres marisqueiras.

MOZAMBIQUE

No mes de xaneiro deuse apoio á elaboración do informe intermedio da época chuviosa da ARA Sur, e avanzouse na definición de contidos do Traballo Fin de Mestrado en hidroloxía que vai ser a co-tutorado desde o proxecto na Universidade Eduardo Mondlne (UEM). Durante xaneiro tamén se traballou na coordinación, con as ARAs Sur e Norte e a UEM, da misión de 4 semanas que está a realizar Manuel Alvarez e que estará centrada no fortalecemento institucional de ambos organismos para a monitoria da seca e na realización dunha formación presencial na universidade.

ENLACES DE INTERESE

Auga

Consumo responsable

Cooperación e ONGD

O 1% máis rico acumula o 63% da riqueza producida no mundo dende 2020

Educación para o desenvolvemento

Informe de investigación: “Aprendiendo racismo. Racismo estructural en libros de texto». SOSRacismo Madrid

Enerxía e cambio climático

Iniciativas

Investigación para o desenvolvemento

Mundo

CONGO: El precio de las renovables en la República Democrática del Congo. Un nuevo expolio que se repite
ERITREA ETIOPÍA: En África se libra una guerra brutal, pero hemos decidido no mirar
ETIOPÍA, la guerra más mortal del siglo: 600.000 civiles muertos en dos años
HONDURAS: Escapar de la pobreza y la violencia | DW Documental. 42min 25 seg
SÁHARA OCCIDENTAL: Llegó la guerra y todo continúa
SIRIA: Los suicidios aumentan de manera “alarmante” en el noroeste de Siria

Pobreza e exclusión

Políticas e modelos de desenvolvemento

Fondos Next Generation: recuperan pero non transforman

Soberanía alimentaria e desenvolvemento rural

La resiliencia de un pueblo que estuvo a punto de perder sus semillas

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

RECOMENDACIÓN ARTÍSTICA

Este mes traemos o vídeo musical-performance de Maxiell G, video clip Ciclos, que representa o proceso creativo do proxecto audiovisual Doc “Ciclos”, que nace como resultado final da Escola de Saúde Menstrual “LUA”. Foi coordinado pola Colectiva “Nosotras las preferimos sencillas” de Honduras, Tegucigalpa.

E NO PRÓXIMO MES …

1 de febreiro: abre o prazo para solicitar praza no Programa de Coñecemento da Realidade 2022
2 de febreiro: Día dos Humedais
7 de febreiro: Día da Internet Segura (segundo día de la segunda semana del segundo mes del ano)
10 de febreiro: Encontro en liña coas participantes no Programa de Coñecemento da Realidade 2022
11 de febreiro: Día Internacional da Muller e a Nena na Ciencia
13 de febreiro: Día Mundial da Radio
14 de febreiro: Día da Enerxía
20 de febreiro: Día Mundial da Xustiza Social
27 de febreiro: Aniversario da Proclamacion da República Arabe Saharaui Democrática
28 de febreiro: remata o prazo para solicitar praza no Programa de Coñecemento da Realidade 2022
4 de marzo: faladoiros e obradoiros de ESF no Museo Nacional da Ciencia e Tecnoloxía da Coruña (de 11h a 13h)

Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD

A ESF-RASE DO MES

Nadie está disposto a renunciar nin a un ápice de comodidade e a alternativa é desaparecer como especie.

Enrique Dans