BOLETÍN OFICIAL ESFEIRO: OUTUBRO 2018

CONTIDOS

Vida Asociativa
Honduras
Enlaces de interese
E no próximo mes …
A ESFrase do mes

VIDA ASOCIATIVA

Pouco a pouco vamos colléndolle o pulso a este novo curso que coma sempre ven cargado de retos e oportunidades que ESF ten que seguir aproveitando para avanzar na procura dunha sociedade máis xusta e solidaria. Do 6 ó 8 de setembro celebrouse en Coimbra o Congreso Ibérico de Xestión e Planificación da Auga. Aínda que non participamos, esta temática está moi ligada a ESF e contamos con moitas “espías” esfeiras. Outro dos eidos nos que ESF traballa activamente é o do aceso ó Software Libre, cuxo día internacional celebrouse o sábado 15 de setembro (como cada terceiro sábado de setembro). Tamén queremos dar a noraboa a Daniel da FIC UDC A Coruña polo seu proxecto fin de mestrado do Tetris dos Dereitos Humanos. Pronto o poderedes probar! Ademais, este mes ESF apoiou o manifesto “En Enerxía, non sen mulleres“. Dende o 22 de setembro, estivemos facendo a acollida a Daniel, novo contratado como apoio técnico aos programas internacionais, que na primeira semana de outubro viaxa a Honduras até final de ano, onde adicará os seus esforzos a acompañar no peche do ano dos diversos proxectos en marcha co resto da equipa de ESF en Honduras (Raquel e Elmer) e das nosas socias en Honduras (CODDEFFAGOLF, AHJASA e a Mancomunidad de Municipios NASMAR).

HONDURAS

En Honduras, a equipa esfeira sufriu a baixa de Cris, que regresou xa a España trala súa estancia de PCR no programa de Soberanía Alimentaria, non sen antes coñecer as Escolas de Formación Política e xénero que se están a impulsar co apoio da Xunta de Galicia e a Agencia Española de Cooperación para el Desarrollo. Alí siguen Miño e Uxía, que regresarán en outubro, e nos contan as súas experiencias até no periódico, e tamén tivemos a visita de Juan, do Laboratorio de Enxeñería Cartográfica da Universidade da Coruña, que veu compartir co noso socio CODDEFFAGOLF os avances nunha aplicación de cartografía participativa de riscos ambientais. A finais de mes, tivemos a boísima nova de que o consorcio formado por VSF Justicia Alimentaria Global, Amigos de la Tierra y ESF Galicia, pasa á fase de identificación dun novo convenio en temas de soberanía alimentaria financiado porla Agencia Española de Cooperación para el Desarrollo. A identificación prolongarase até fin de ano e se estaría executando nos próximos 4 anos (2019-2022).

Aquí se pode ver de xeito moi resumido o que estamos a facer en Honduras no noso programa de soberanía alimentaria, e aquí no de dereito humano á auga.

ENLACES DE INTERESE

Auga

El chollo de las hidroeléctricas podría llegar a su fin

Comunicación para o (como) desenvolvemento

Consumo responsable

Investigación para o desenvolvemento

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

O Consello de Dereitos Humanos da #ONU vén de aprobar en Xenebra a Declaración de Dereitos Labregos

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

E NO PRÓXIMO MES …

1 de outubro (primeiro luns de outubro): Dia mundial do Hábitat
2 de outubro: Día Internacional da Non Violencia
3 de outubro: Día mundial contra os DRM (Digital Rights Management, ou Xestión dos Dereitos Dixitais)
4 de outubro: Día do Animal
10 de outubro (segundo mércores de outubro): Día Internacional para a Reducción dos Desastres Natura¡s
11-14 de outubro: encontro anual da base social da Federación Española de Ingeniería Sin Fronteras en Almedíjar, Castellón (ou, como a coñecemos agarimosamente, A CÓSMICA).
15 de outubro: Día Mundial das Mulleres Rurais
16 de outubro: Día Mundial da Alimentación
16 de outubro: Día Internacional de acción pola Soberanía Alimentaria contra as corporacións transnacionais
17 de outubro: Día Internacional para a Erradicación da Pobreza
20 ao 25 de outubro: Semana do Coñecemento Aberto (Open Access)
22 ao 27 de outubro (ADIADA POLOS EFECTOS DO HURACÁN MICHAEL NO SUR DE HONDURAS): visita a Galicia da delegación de 6 alcaldes e unha alcaldesa dos 7 concellos da Mancomunidade NASMAR, coa que levamos 4 anos traballando no programa de Dereito á Auga en Honduras. Co apoio da Cooperación Galega da Xunta de Galicia e o Fondo Galego de Cooperación e Solidariedade, poderán coñecer e compartir experiencias de xestión pública da auga. A súa axenda inclúe visitas institucionais a Cooperación Galega da Xunta, Concello de Arteixo, Concello de Teo, Concello de Santiago de Compostela entre outras, así como unha Xornada, o xoves 26, de intercambio de Experiencias de Boa Gobernanza na Xestión da Auga dende as Administracións Locais. Esta delegación irá acompañada da directora técnica da NASMAR, que permanecerá en Galicia outras dúas semanas coñecendo experiencias en enerxías renovables, hidroxeoloxía e xestión integral da auga.
24 de outubro: Día Mundial da Información sobre o Desenvolvemento
24 de outubro: Día das Nacións Unidas

Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais Facebook e Twitter.

A ESF-RASE DO MES

A tecnoloxía non é neutral e as consecuencias son obvias. Está cambiando o xeito en que mantemos conversas, a nosa forma de pensar e está causando estragos no noso sistema democrático.
Tristan Harris