Posts

Enxeñeria Sen Fronteiras

Boletín Oficial ESFeiro: xaneiro 2022

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    O pasado decembro foi tempo de presentacións, encontros e faladoiros esfeiros con alumnado e profesorado en diversos campus galegos. Foi para dar a coñecer a asociación, así como as posibilidades de facer TFM-TFG connosco, ou colaborar doutros xeitos (como co Banco de Reciclaxe Electrónico, tecnoloxía inclusiva ou os grupos temáticos de auga, enerxía, TIC, xénero ou soberanía alimentaria). Estivemos en Vigo (Telecomunicacións e Industriais-CUVI), Lugo (EPS), Ferrol (Esteiro e Serantes) e Ourense (Escola de Enxeñería Informática). Todo isto fixémolo dentro dun proxecto de educación nas escolas técnicas apoiado pola Xunta de Galicia e o Concello de Lugo.

    Dende o 16 de decembro, quedou na Praza Maior de Lugo a exposición ‘De Oficio, Defensoras’, que da a coñecer a vida de distintas mulleres defensoras de dereitos humanos en diversos países, entre eles Honduras. Aínda podedes vela!

    En Coruña tivemos un novo obradoiro na sede de Ecos do Sur para familias que levaron un equipo do Banco de Reciclaxe Electrónico con Software Libre. E, como no, desexamos un novo ano cheo de ilusión para afrontar desafíos en todas as estacións.

    Mencionar que, como sempre que nos acercamos a datas de Nadal, deixamos algunha pílula en redes sociais sobre consumir con cabeciña, tanto a electrónica como o de comer…

HONDURAS

    En Honduras continúa o proxecto de apoio a grupos de mulleres produtoras e orzamentos municipais etiquetados en xénero, apoiado pola Xunta de Galicia. En decembro lanzouse a segunda convocatoria de fondos para emprendementos na rexión Golfo de Fonseca, liderados por mulleres ou mozxs a nivel individual ou colectivas.  

    Por outra banda, dentro do proxecto de apoio ao programa de técnicas comunitarias de auga realizado con AHJASA e apoiado pola Deputación da Coruña que acaba de rematar, realizouse un encontro en liña entre persoas de AHJASA e da asociación galega COXAPO. Nel, puidemos coñecer como foi a realidade da xestión veciñal da auga en Galicia e Honduras durante a pandemia de COVID, e manter o vínculo entre as dúas asociacións que iniciamos en 2019.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    O 18 de decembro celebrouse o Día Internacional da Persoa Migrante. Rebeca Lane, artista e activista guatemalteca, ofreceunos a canción Si yo pudiera quedarme.

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram,difundimos eventos de interese externos a ESFGalicia de temas vinculados ao noso traballo.

A ESF-RASE DO MES

“𝑆𝑒 𝑒𝑠 𝑛𝑒𝑢𝑡𝑟𝑎𝑙 𝑒𝑛 𝑠𝑖𝑡𝑢𝑎𝑐𝑖𝑜́𝑛𝑠 𝑑𝑒 𝑖𝑛𝑥𝑢𝑠𝑡𝑖𝑧𝑎 𝑒́ 𝑞𝑢𝑒 𝑒𝑠𝑐𝑜𝑙𝑙𝑖𝑐ℎ𝑒𝑠 𝑜 𝑙𝑎𝑑𝑜 𝑜𝑝𝑟𝑒𝑠𝑜𝑟.”
𝐃𝐞𝐬𝐦𝐨𝐧𝐝 𝐓𝐮𝐭𝐮. Premio Nóbel que finou o pasado mes de decembro

Enxeñeria Sen Fronteiras

Boletín Oficial ESFeiro: decembro 2021

/in , ,

CONTIDOS

  • Vida Asociativa
    Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

Fixémonos eco do lavado de cara de empresas eléctricas que financian cátedras en universidades públicas, vendo as que había en Galicia. O Banco de REciclaxe Electrónico tivo a súa xuntanza en Compostela, e tamén impartiu a súa primeira formación para familias usuarias do Banco, co apoio de Ecos do Sur e financiación do IRPF galego (esa casiña que se marca na declaración da reda de FINES SOCIAIS). 

Na ponte de fin de outubro-principios de novembro tivemos a Cósmica (reunión de base social de todas as asociacións de ISF de España). Se pode ver aquí a crónica da delegación galega e aquí a “oficial”. Tamén tivemos un ciber-faldoiro sobre Transición Enerxética Xusta, con Amigos da Terra e o Observatorio Eólico de Galicia, e outro onde pensamos como será o futuro con interesantes reflexións do que nos pode esperar e, sobre todo, como buscar desde agora un futuro mellor.

Ademais, aprobouse asinar o manifestoVerdaderas soluciones, no al “Cero Neto”. Un llamado mundial a la acción climática.

Para pechar o mes ao grande, na súa última finde, voltamos a presencialidade nas nosa asembleas, coa Xuntanza de Outono da nosa base social. Foi unha alegría atoparse de novo “en corpo”.

HONDURAS

En Honduras, neste mes electoral, fixemonos eco da campaña da Cooperación Española en Honduras contra a violencia contra mulleres e nenas. Tamén seguimos con expectación as eleccións do 28 de novembro, que ao peche deste boletín xa sabemos que traerán un cambio político no país. Este período electoral fixo que se ralentizara o ritmo de traballo dos dous programas en marcha (soberanía alimentaria-xénero, e dereito a auga). Ábrese agora un período onde a visibilización das organizacións de defensa dos dereitos humanos en Honduras serán moi importantes para encauzar a nova lexislatura.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes queremos recomendar unha obra que tivo primeiro a súa versión en cómic (1982) e logo en película de animación (1984). Cremos que está máis de actualidade que nunca, ao tratar temas ambientais, políticos, bélicos e sociais nun mundo post-apocalíptico, todo cunha mirada dende a non-violencia e a cooperación. Ademais, as mascarillas teñen moito protagonismo… Trátase de Nausicaä del Valle del Viento (que ademais protagonizou un dos nosos ciberfaladoiros no confinamento).

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram,difundimos eventos de interese externos a ESFGalicia de temas vinculados ao noso traballo.

A ESF-RASE DO MES

A última árbore do planeta a talará un proxecto de enerxía sostible

Gustavo Duch no seu libro Cuentos del progreso










Enxeñeria Sen Fronteiras

Boletín Oficial ESFeiro: novembro 2021

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    Temos nova web dos Bancos de Reciclaxe Electrónica con Software Libre de Galicia. Ademais, asinamos convenio de doazón de equipos para o Banco co Colexio de Traballo Social de Galicia e continuaron as doazóns da Escola Técnica Superior de Enxeñería da USC. Xa se entregaron os primeiros 15 equipos preparados cun sistema operativo GNU-Linux a Ecos do Sur, para canalizalos cara a familias que os precisan. O 5 de novembro faise a primeira formación sobre o seu uso.

    Compartimos o resumo do ciberfaladoiro sobre “o papel da enerxía nuclear a día de hoxe”, que tivo lugar o 5 de outubro.

    A última fin de semana de outubro tivo lugar a Cósmica, reunión de base social de todas as asociacións de Ingeniería Sin Fronteras da Federación á que pertencemos. Foi nun albergue cerca de Torremolinos, e tivemos unha boa representación galega alí. Mateo entrou como vicepresidente na Junta Directiva de la Federación Española de Ingeniería Sin Fronteras e, tachaaaaaaaan, o vindeiro ano celebraremos a Cósmica en Galicia!!!

    Estivemos traballando arreo para empezar un estudo sobre como se traballa o enfoque de tecnoloxía para o ben común nas escolas técnicas das 3 universidades galegas. Nestas escolas, estamos xa con contactos para empezar co desafío de organizar polo menos un faladoiro presencial en cada unha delas antes de que remate o curso académico. Tamén estamos preparando unha serie de faladoiros en centros de secundaria dende o grupiño de Mulleres na Tecnoloxía.

HONDURAS

    Xoel e Eva, xa na recta final da súa estancia do programa de coñecemento da realidade en Honduras, cóntannos das luces e sombras da zona Caribe do país. Chegaron de volta a Galicia a finais de outubro. Seguro que lles gustaría prolongar a estancia, pero o comezo da campaña electoral cara as eleccións do 28 de novembro, e a situación política bastante conflictiva (que a situación post-electoral pode mesmo empeorar, como xa ocorreu nas últimas eleccións xerais), determinou que a data de regreso non se prolongara. Entretanto, parece que pode haber solución para os conflictos pola saída de Honduras a mar aberto no Golfo de Fonseca, tralo acordo con Nicaragua. Pero todo ten sombras…

    Nos proxectos, seguimos o fortalecemento de capacidades de labregas e labregos en mellora participativa de variedades de millo criollo con CODDEFFAGOLF e apoio financeiro da AECID. Preparouse ademais unha proposta presentada a Deputación de Pontevedra para financiación, e poder complementar esta acción. 

    O proxecto de apoio ás Oficinas Municipales de la Mujer, impulso de orzamentos etiquetados de xénero na Mancomunidade NASMAR e traballo con grupos de mulleres productoras continúa tamén (é posible que sufra un pequeno parón por causa das eleccións). Está financiado pola Xunta de Galicia.

    Estase avanzando a bo ritmo no proxecto de apoio ao programa de técnicas de auga comunitarias de AHJASA, con financiación da Deputación da Coruña.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes volvemos á música, cunha canción de Christina Rosenvinge adicada a Berta Cáceres, activista hondureña asadinada en 2016: Berta multiplicada

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram,difundimos eventos de interese externos a ESFGalicia de temas vinculados ao noso traballo.

A ESF-RASE DO MES

“[…] desdichado o país que necesita de heroes”.

Galileo, na obra Galileo Galilei de Bertold Brecht









Enxeñeria Sen Fronteiras

Boletín Oficial ESFeiro: outubro 2021

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

Este mes, saíu o primeiro equipo do Banco de Reciclaxe Electrónica da Coruña. Tivemos ademais unha semana de actividade frenética, con máis saídas e entradas de equipos informáticos (empezamos a entrega dunha remesa de 15 para Ecos do Sur), novas fichaxes (Manuel), a doazón monetaria para o Banco da empresa Nolegaltech (moitas grazas!) e un faladoiro sobre os bancos de reciclaxe con software libre de Galicia na Mostra do Posible de Cangas.

Empezamos a participar nunha serie de obradoiros de consulta pública que fai Augas de Galicia para a elaboración do novo Plan Hidrolóxico e tamén tivemos tempo de participar no encontro da Rede Acampa, no que puidemos falar sobre extractivismo no sur de Honduras. Ademais, celebramos o ciberfaladorio “Axuda o eucalipto ao rural galego?”, do que podes ver o resumo aquí.

Para rematar ben o mes, o 30 tivemos o primeiro encontro ESFGalicia-ESFCatalunya para aprender das experiencias de ESFCatalunya nos proxectos en Mozambique, dado que dende Galicia queremos empezar a coñecer a realidade dese país de cara á colaboración no programa que Augas de Galicia, Cooperación Galega da Xunta e a Universidade da Coruña teñen nese país.

HONDURAS

 
Setembro é o mes das Festas Patrias en Honduras. Alí, segue a estancia de Xoel e Eva como parte do seu Programa de Coñecemento da Realidade, e vannos contando como lles vai aquí. Na casa da cultura de San Lorenzo, houbo un pequeno obradoiro de coñecemento do corpo moi “movido” a cargo de Eva. Ademais, con motivo do día da Persoa Cooperante (8 de setembro), a nosa representante en Honduras, Raquel, con Eva e Xoel, participaron nun vídeo da Agencia Española de Cooperación Internacional explicando que é para elas “cooperación”  (a partir dos 4min 15seg).

Continúan os proxectos na liña de traballo de Dereito á Auga (co apoio da Deputación da Coruña ao programa de técnicas comunitarias de xestión da auga de AHJASA) e no programa de soberanía alimentaria (como o financiado pola Agencia Española de Cooperación Internacional para el Desarrollo e o financiado pola Xunta de Galicia de apoio a grupos de mulleres productoras e ás Oficinas Municipales de la Mujer). 

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes voltamos ao teatro. Queremos recomendar a obra N.E.V.E.R.M.O.R.E do grupo Chévere (en Galicia se estreará durante este outubro). Lembrando o Prestige dende os tempos da COVID19.

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram, difundimos eventos de interese externos a ESFGalicia de temas vinculados ao noso traballo.

A ESF-RASE DO MES

A menos que inventemos unha enerxía milagreira, teriamos que reducir deliberadamente o noso nivel de vida

Vaclav Smil

Enxeñeria Sen Fronteiras

Boletín Oficial ESFeiro: setembro 2021

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    O pasado mes de agosto estivemos recargando as pilas para comezar o novo curso con forza, tanto no proxecto do Banco de Reciclaxe Electrónica (que seguiu en marcha mesmo con novas incorporacións), como nos dous novos que estaremos desenvolvendo coa rede Artigo9Tech nas escolas técnicas das universidades galegas, e con Amigos da Terra poñendo en contacto mulleres activistas pola defensa da terra de Honduras e Galicia. Fixémonos eco en redes sociais das mensaxes de partidos da oposición no Concello de Santiago de Compostela para que se recuperen as prometidas axudas para a Cooperación ao Desenvolvemento, que o Goberno de Bugallo aínda non sacou por distintas excusas.

Tamén tivemos traballo de chamar a moitas portas para conseguir que se administrara a vacina monodose contra a COVID19 a Xoel e Eva, voluntarias no Programa de Coñecemento da Realidade, para que puideran viaxar durante agosto. Foi complicado, pero ao final acadouse.

Felicitámonos de que o Goberno de España prorrogara a moratoria de corte de subministros básicos até o 31 de outubro tras a campaña que se desenvolveu por varias organizacións do Estado, aínda que debería mudarse de raíz o sistema e que non se poidan cortar nunca.

E, por suposto, puidemos desfrutar do podcast do Boletín Sonoro de xullo.

HONDURAS

Aquí nos mandan Xoel e Eva as primeiras sensacións tras a súa aterraxe en Honduras, a pasada semana, dentro da estancia no país que é parte do Programa de Coñecemento da Realidade na súa edición 2020-2021 (adiada pola COVID19).

Continuamos o proxecto coas Oficinas Municipales de la Mujer (OMM) das alcaldías da NASMAR e con CODDEFFAGOLF con apoio da Cooperación Galega, desta volta construindo alianzas cun encontro de representantes das OMM, sociedade civil e a Cooperación Española en Honduras (AECID), visibilizando problemáticas e propoñendo camiños cara a redución da fenda de xénero.

Dentro do convenio coa Agencia Española de Cooperación Internacional para el Desarrollo, séguese a apoiar hortos familiares adaptados ás condicións do sur de Honduras.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

  • Lo tuyo es puro teatro. La reforma en ciernes de la Ley de Cooperación Internacional solo tiene sentido si articulamos respuestas globales a los retos que afrontamos.

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes compartimos esta canción que estrearon polo día Internacional dos pobos indíxenas: PUEBLOS, de Sara Curruchich ft. Lila Downs

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.).

Tamén nas nosas redes sociais twitter, instagram e na nosa canle de telegram, difundimos eventos de interese externos a ESFGalicia de temas vinculados ao noso traballo.

A ESF-RASE DO MES

Que as empresas teñan especial influencia na política significa que a democracia está enferma. O propósito da democracia é asegurarse de que os ricos non teñan unha influencia proporcional á súa riqueza. E si teñen máis influencia que tí ou que eu, iso significa que a democracia está fallando. As leis que se obteñen desta forma non teñen autoridade moral, senón a capacidade de facer dano.
Richard Stallman












Enxeñeria Sen Fronteiras

Boletín Oficial ESFeiro: agosto 2021

/in , ,

CONTIDOS

  1. Vida Asociativa
  2. Honduras
  3. Enlaces de interese
  4. Publicacións en físico
  5. A recomendación artística do mes
  6. E no próximo mes …
  7. A ESFrase do mes

VIDA ASOCIATIVA

   Este mes asinouse un convenio marco de colaboración entre a Universidade de Vigo e ESF Galicia, que sustentará as colaboracións que haxa de aquí en adiante. Tivemos a boa nova da concesión de dúas subvencións por parte de Cooperación Galega da Xunta de Galicia para desenvolver en Galicia sendos proxectos de educación, un no eido universitario técnico xunto coa rede Artigo9Tech e outro con Amigos da Terra para visibilizar ás mulleres defensoras da terra Galicia-Honduras. Continuamos o traballo no Banco de Reciclaxe Electrónica incluso con novas fichaxes (animádevos a colaborar!). Ademais, o 22 de xullo, día mundial contra a minaría a ceo aberto, estivemos en Bama (Touro), para coñecer os problemas coa mina de litio de Barroso, en Portugal, con activistas que compartiron experiencias con MinaTouroNon (que volve enfrontarse coa ameaza dun novo proxecto para a reapertura da mina de cobre).

HONDURAS

    Este mes de xullo foi intenso en Honduras, de traballo de preparación de novas propostas de proxectos para acadar financiación. Presentáronse 3 proxectos, dous deles a financiación da Xunta de Galicia (unha parte da Fase 5 do programa de defensa do Dereito á Auga, e a Fase 2 do proxecto de promoción de grupos de marisqueiras) e outro á Agencia Española de Cooperación para el Desarollo (AECID), outra parte da Fase 5 do programa de defensa do Dereito á Auga.

    Agradecemos a solidariedade dos servizos médicos hondureños por protexer coa vacina contra o Covid-19 ao persoal expatriado de ESF en Honduras, aínda sen ter obligación para iso, xa que non hai convenio con España en materia sanitaria. Ao mesmo tempo, lamentamos que esto non o fixera a administración española, a pesar de haber facilidades no país para poder introducir as vacinas, de estar cumplindo as ONGD coa normativa e os pagos á seguridade social española, e especialmente tras aprobarse dar prioridade ás cooperantes en países de risco.

    Continuou o traballo coas Oficinas de la Mujer dos 7 municipios da Mancomunidade NASMAR e os grupos de mulleres apoiados co proxecto comezado en 2020 financiado pola Cooperación Galega da Xunta. Tamén seguimos co impulso da investigación labrega para a selección de variedades de semente criolla e as canles curtas de produción e comercialización, apoiado pola AECID. Todo isto, nun contexto de axitación social pola amenaza de implementación das Zonas Especiales de Desarrollo Económico, ás que socias nosas en Honduras como CODDEFFAGOLF se opoñen frontalmente.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

Aquí podes ver moitas das publicacións que temos disponibles para préstamo á base social xa catalogadas.

Este mes:

  • A luta contra o mega-projecto de mina no Barroso (Portugal). Nao às minas! Sim à vida!
  • Nao a Mina. Resistir ao extractivismo. Entrevista de activistas de grupos contra a mineraçao. Minho-Barroso-Porto

A RECOMENDACIÓN ARTÍSTICA DO MES

    Este mes queremos recomendar a obra de teatroEl Apagón (versión en castelán) ou L’Apagada (versión orixinal en catalán), de Xucrut Teatre. Tivemos a ocasión de vela en Lugo no mes de abril e paga moitísimo a pena.

E NO PRÓXIMO MES …

   Para máis info sobre cursos e eventos en Galicia , mira as nosas redes sociais twitter, instagram ou únete á nosa canle de telegram. Difundimos eventos de interese externos a ESFGalicia de temas vinculados ao noso traballo.

A ESF-RASE DO MES

Se un mono acumulase máis bananas das que puidese comer mentras a maioría dos outros monos morren de fame, os científicos estudiarían ao acumulador para descubrir que demo estaba sucedendo con el. Pero cando os humanos fan o mesmo, os colocamos na portada da revista Forbes”
-Emir Sader-.

Enxeñeria Sen Fronteiras

Boletín Oficial ESFeiro: xullo 2021

/in , ,

    Este mes, tras varios contactos a través da Coordinadora Galega de ONGD, tivemos a decepción coa Xunta de Galicia de que non atendera a nosa petición de considerar ao persoal cooperante como prioritario para a vacina contra a COVID19, tendo que esperar a súa quenda por idade nos casos en que van facer algunha estancia de voluntariado ou traballo en cooperación noutros países. As prioridades e a imaxe que se quere proxectar de Galicia e España parece que seguen sen ser o apoio á defensa dos dereitos humanos…

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    Xuño veu ben cargadiño. Empezamos o mes participando nun webinar organizado polo Colectivo de Representantes de Estudiantes de Ingeniería de Caminos, Canales y Puertos y la Ingeniería Civil, para dar a coñecer o traballo de das distintas asociacións da Federación Española de Ingeniería Sin Fronteras.   

    Creouse un grupo de telegram de facilitación e educación popular, pois somos moitas as persoas en ESF interesadas e formadas neste tema, e sempre está ben poder compartir ideas e iniciativas. Calquera pode unirse aquí.

    Tiñamos moitísimas ganas de empezar a vernos presencialmente, e por fin puidemos facelo!! Foi nun parque de Santiago de Compostela, onde falamos sobre todo da situación en Mozambique con xente que coñece ben o que alí acontece. Esperamos empezar a achegar esa realidade a nosa base social como parte da actividade do grupo Mozambique constituído hai unhas semanas.

    No IES Castro da Uz, e colaborando con Melissa, tivemos ocasión de organizar un mapatón para 4º da ESO, onde o alumnado puido mapear elementos patrimoniais e introducilos en Openstreetmap.

    No día das mulleres na enxeñería quixemos traer un preocupante dato de evolución da presenza de mulleres nos estudos de enxeñería e arquitectura en Galicia.

    Tamén tivemos o ciberfaladoiro sobre “Homes feministas, grupos mixtos e desempoderamento”, do que aquí podes ver o resumo.

    Rematamos o mes asinando un convenio con CITIC e coa Asemblea de aprobación de contas e de designación de cargos en xunta directiva, que entrarán en vigor cando chegue a documentación do Ministerio do Interior.

    As novas persoas da Xunta Directiva de ESFGalicia, ás que lles queremos dar unha cordial benvida e transmitir o agradecemento polo seu compromiso, serán:

  • PRESIDENCIA: Marc Romero
  • VICEPRESIDENCIA: Alberto
  • SECRETARÍA: Zoe Chaos
  • TESOURARÍA: Tomás Bande
  • VOGALÍA 1: Carmen Troncoso

Pronto os poderedes coñecere mellor!

HONDURAS

    En Honduras tivemos a boa nova da concesión dunha axuda da Deputación da Coruña de algo máis de19000 euros para continuar o traballo no programa de defensa do dereito humano á auga. Seguirá o apoio ao programa de persoal técnico comunitario con AHJASA, que se formaran en fases anteriores e xa empezaron a atender a aldeas. É importante continuar este apoio nestes primeiros meses, e máis coa pandemia da COVID19 aínda activa no país.

    Continuou o traballo no proxecto de apoio ás Oficinas Municipales de la Mujer e grupos de mulleres organizadas, financiado pola Xunta de Galicia, con NASMAR e CODDEFFAGOLF, así como o de soberanía alimentaria financiado por AECID,con accións de apoio á comercialización en canles curtas e produción local.

    En xullo buscaremos financiamento na Xunta de Galicia para dous proxectos: a fase 2 do recentemente finalizado proxecto de apoio da actividade marisqueira, e a seguinte fase do programa de dereito á auga (que o aporte da Deputación complementará).

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes recomendamos a Mano Azagaia, rapeiro mozambiqueño comprometido coa situación do seu país. Na canción Ai de nós fai referencia a problemas actuais do país como o conflicto en Cabo Delgado ou a afectación da COVID19.

E NO PRÓXIMO MES …

   Para máis info sobre cursos e eventos en Galicia segue as nosas redes sociais twitter, instagram e na nosa canle de telegram, onde difundimos tamén eventos de interese externos a ESFGalicia de temas vinculados ao noso traballo.

A ESF-RASE DO MES

    O discurso tecnolóxico non é ideoloxicamente inxenuo […]. Ademais, nin remotamente temos tecnoloxía para substituír todo o que a natureza nos aporta […]. É máis, aínda que fose posible, é infinitamente máis difícil esa vía tecnolóxica que o esforzo de coidar a natureza que xa temos e o que require é poñer límites a un modelo que a devora para beneficio duns poucos.

Sandra Myrna Díaz

Enxeñeria Sen Fronteiras

Boletín Oficial ESFeiro: xuño 2021

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

No mes de maio agromaron varios novos grupos de traballo en ESF:

  • Grupo Mozambique, que estará argallando actividades para coñecermos mellor este país (unha durante xuño en Compostela, atenta!),
  • Grupo de Tecnoloxía Inclusiva, para desenvolver iniciativas de baixo custo e libres de tecnoloxía para persoas con problemas de mobilidade ou percepción; agora están empezando con ratos adaptados (incluso estivemos, invitadas pola Escola de Telecomunicación, nos LPRODays, unha feira distintas iniciativas tecnolóxicas desenvoltas polo alunado nesta e outras liñas)
  • Grupo de Eólicos, para compartir información e buscar xeitos de facer rede coas plataformas existentes, que se resisten ao modelo de implantación de eólicos sen planificación nin participación social.

Se tes interese en colaborar con algún deles, contáctanos en info[arroba]galicia.isf.es

Houbo tempo, dende o grupo de Enerxía e Cambio Climático, para participar nun webinar sobre Dereito á Enerxía, invitadas por Solidariedade Internacional de Galicia. Tamén dende este grupo, participouse nunha clase da materia de Enxeñaría da Enerxía da Escola de Camiños, dando unha visión crítica do sistema eléctrico (e enerxético en xeral).

Seguiu o traballo do grupo do noso Banco de Reciclaxe Electrónico, que ademais participou nunha charla o pasado día 29 invitado á Feira de Voluntariado do Concello de Ames.
Tivemos un xenial ciberfaladoiro onde puidemos falar coas bravas mulleres marisqueiras de Honduras, coas que participamos nun dos proxectos de promoción da soberanía alimentaria. Aquí o resumo!
Non faltou o Boletín Sonoro ESFeiro do mes anterior, un podcast de 5 minutiños que é a versión sonora do BOE.

HONDURAS

    En Honduras segue o traballo pola soberanía alimentaria no Golfo de Fonseca en colaboración con CODDEFFAGOLF e financiación da AECID. Por un lado, as compañeiras do Comité de Investigación Local CIAL-APROEM, estableceron un ensaIo para a mellora de dúas variedades de millo. Por outro, organizouse unha “Feria verde”, onde participaron productoras e emprendedoras do concello de Nacaome. Aquí podes velo!

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Este mes vimos moi punkarras, para recomendar o grupo Lendakaris Muertos, especialmente a súa canción “Cómeme la franja de Gaza“, desgraciadamente moi axeitada para estes días…

E NO PRÓXIMO MES …

   Para máis info sobre cursos e eventos séguenos nas nosas redes sociais twitter, instagram e, sobre todo, na nosa canle de telegram. Difundimos tamén eventos externos a ESFGalicia de temas vinculados á tecnoloxía para o ben común. Tamén podes facer que te chegue este boletín ao teu correo se o solicitas en info[arroba]galicia.isf.es

A ESF-RASE DO MES

“Vivimos nunha sociedade exquisitamente dependente das ciencias e a tecnoloxía, na que practicamente ninguén sabe nada acerca da ciencia ou da tecnoloxía”
Carl Sagan










Enxeñeria Sen Fronteiras

Boletín Oficial ESFeiro: maio 2021

/in , ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    O sábado 24 de abril tivemos a nosa Asemblea Extraordinaria de Primavera. Como puntos a destacar:
▶️ aprobáronse as novas directrices de comunicación de ESF,
▶️ aprobouse a colaboración co grupo GEAMA da Universidade da Coruña e Augas de Galicia, para difundir o traballo que fan en Mozambique de fortalecemento técnico dos organismos de cunca hidrográfica
▶️ aprobouse iniciar o traballo en diagnose de xénero para avanzar cara un plan de igualdade
▶️ elexiuse a nova Xunta Directiva da Asociación, quedando formada por: Alberto Bragado, Carmen Troncoso, Zoe Chaos, Tomás Bande e Marc Romero. Queremos agradecer a Andreina Vargas Carrión, Irene González Veiga, Daniel Vila Barreiro e Daniel Vila Recarey por estes anos de traballo e adicación
    Non podía faltar un novo episodio do noso podcast ESFradio, co noso Boletín Sonoro ESFeiro de abril. Ademais, empezan as operacións do Banco de REciclaxe Electrónico na nosa oficina da Coruña, onde colaboraremos con Ecos do Sur en revivir vellas computadoras con software libre para pechar a fenda dixital en familias que o precisen. Simultáneamente, tamén en Vigo están iniciando outro Banco de REciclaxe, e nos apoiamos mútuamente coas asociacións IEEE e ACCEM.
    Un novo grupo se activou en ESF tras o ciberfaladoiro sobre se ESF é unha organización feminista (aquí o resumo). O grupo de xénero xa existía como foro de debate e reflexión, pero agora vai liderar o proceso de diagnose de xénero de ESF aprobado na asemblea. Ademais, dende o grupo de masculinidades alternativas de ESF (micromachiños) compartíronnos a súa lista de reprodución de música para novos homes.

HONDURAS

    En abril cumplíronse 5 anos da nosa Raquel como expatriada de ESF en Honduras, onde sen ostentación, pero con moito traballo e acompañando as nosas copartes en todo momento, consolidámonos como un actor de referencia no Golfo de Fonseca. Aproveitamos para lembrarnos de Mireia, Víctor e Cris, que tamén contribuiron nos anos anteriores (dende o 2008) a esa consolidación.

    No país continúa o traballo cos grupos de mulleres no programa de soberanía alimentaria e defensa do territorio. Neste precioso video de minuto e medio pódese coñecer un pouco máis da vida das mulleres marisqueiras. Ademais, tivemos a boísima nova da inauguración, no mercado de Amapala, do Centro de acopio de mariscos de 4 empresas de servicios múltiples de mulleres marisqueiras de Amapala (un dos municipios onde traballamos, que ten a característica de ser en gran parte insular). Xa levan 15 días vendendo bo producto, tratando directamente con marisqueiras e pescadores, e tratando de mellorar o prezo que ofrecen os intermediarios (que, en demasiadas ocasións, aprovéitanse do traballo das mulleres e homes do mar).

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Esta é unha nova sección de BOE, onde recomendaremos algunha obra artística que nos pareza especialmente inspiradora. Cancións, libros, películas, obras de teatro, banda deseñada…, calquera peza de arte pode ter cabida!

    Este mes quedamos cunha canción dunha artista que xa leva tempo en escea, con moitas cancións comprometidas. Trátase de Zahara, e desta volta queremos recomendarvos a súa recente canción Merichane. Non deixa indiferente…

E NO PRÓXIMO MES …

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram,difundimos eventos de interese externos a ESFGalicia de temas vinculados ao noso traballo.

A ESF-RASE DO MES

“Creo sinceiramente que se os líderes políticos puidesen ver o seu planeta desde unha distancia de 100.000 millas [uns 160.000 kilómetros], a súa perspectiva mudaría drasticamente. Esas fronteiras tan importantes serían invisibles”.
Michael Collins, astronauta da misión Apolo 11, que faleceu a pasada semana

Enxeñeria Sen Fronteiras

Boletín Oficial ESFeiro. Abril 2021

/in ,

CONTIDOS

  • Vida Asociativa
  • Honduras
  • Enlaces de interese
  • A recomendación artística do mes
  • E no próximo mes …
  • A ESFrase do mes

VIDA ASOCIATIVA

    Este mes de marzo a reflexión sobre xénero e feminismo tivo un espazo moi importante nas actividades de ESF, xa que tivemos unha formación sobre auga e xénero, e un Ciberfaladoiro sobre se “É ESF feminista?” (pronto teremos un resumiño das conclusións). Estase a conformar un grupiño para traballar nunha diagnose de xénero da asociación e, oxalá, chegar a ter un plan de igualdade.

    Compartimos o Boletín Sonoro do mes de marzo (pouco máis de 5 minutos de podcast ESFRadio resumindo o máis importante do BOE de marzo), ademais dun resumo das Xornadas “Educar con emoción, aprender con paixón” organizadas polo Concello de Tomiño, ás que asistiu xente da base social de ESF e nos compartiu as aprendizaxes que sacaron.
    O Banco de Reciclaxe Electrónica ESFeirobotou andar no noso local na Escola de Enxeñería de Camiños no campus de Elviña (A Coruña). Esperamos facer algúns obradoiros chulos de cacharreo nel, ademais de empezar a colaborar con Ecos do Sur para pechar a fenda dixital con familias que precisen máquinas e queran aprender a cacharrear con GNU-Linux. En Vigo están tamén arrancando un banco deste tipo, neste caso en colaboración coas asociacións IEEE e ACCEM. Con IEEE ademais se colaborou organizando a charla “Visión y experiencias en ingenieria con software libre” nas xornadas para a súa base social a nivel estatal, que se pode ver aquí. Estes Bancos de reciclaxe están dentro das actividades do noso Grupo de Apoio Mútuo Dixital, que segue a formarse, desta volta aprendendo da experiencia do Banco de REciclaxe Electrónica de Teo organizada por AberTeo, e se pode ver aquí.
    Tivemos tempo, por outra banda, de atoparnos con compañeiras de outras asociacións de ISF do resto do Estado Español na Asamblea Federal, de momento con pantalla polo medio. Que gañas de vernos en persoa!

    Por último, queremos compartir un artigo científico recén publicado (estará en aberto até o 18 de maio) por parte de colaboradoras de ESF, sobre calidade e cantidade de auga nos Campamentos de refuxiados saharauis en Alxeria con datos extraídos, entre outras fontes, dos proxectos que tivemos aló, en colaboración coa Universidade da Coruña. É de valorar o esforzo das investigadoras en ámbitos tan importantes como este, que moitas veces non se fai polas trabas dentro do propio sistema de investigación.

HONDURAS

    En Honduras, co motivo do 8M, participamos nunha campaña impulsada por AECID-Honduras visibilizando mulleres bravas.

    No programa de soberanía alimentaria e defensa do territorio, presentouse a ferramenta SIROS mellorada, unha app para a localización participativa de lugares de alto valor ambiental, ou lugares con agresións ao medio, desenvolvida coa participación de CODDEFFAGOLF e o Cartolab da UDC. Neste mesmo programa, impulsado por CODDEFFAGOLF, tivo lugar o Conversatorio sobre a gobernanza no subsistema marino costeiro no Golfo de Fonseca, coa participación de FULSALPRODESE (El Salvador), DIGEPESCA, unidades municipales de medioambiente e representantes dos grupos de mulleres marisqueiras de Amapala, Marcovia e San Lorenzo, coas que colaboramos.

    Durante o mes de marzo tivemos en Honduras a todo un equipazo humano: Miriam, Edwin, Irene, Elmer e Raquel. Aquí o podes coñecer!

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

A RECOMENDACIÓN ARTÍSTICA DO MES

    Esta é unha sección do BOE de recente creación, onde recomendaremos algunha obra artística que nos pareza especialmente inspiradora. Cancións, libros, películas, obras de teatro, banda deseñada…, calquera peza de arte pode ter cabida!

    Este mes queremos compartir convosco a obra da pintora de Viveiro, Maruxa Mallo. Foi unha das maiores expoñentes do surrealismo en España, considerada como artista da xeración do 1927 e formaba parte do grupo de mulleres artistas coñecido como Las Sinsombrero. Mentres participaba en accións das Misións Pedagóxicas en Galicia durante a Segunda República, sorpréndea a Guerra Civil e vese obrigada a fuxir a Portugal onde a agarda Gabriela Mistral, que era por aquel tempo embaixadora de Chile en Portugal. Será Mistral quen leve a Maruja a Bos Aires, onde finalmente se quedaría durante todo o seu exilio, que durou nada máis e nada menos que 25 anos.

E NO PRÓXIMO MES …

  • 7 de abril: Día Mundial da Saúde
  • 9 de abril: cúmplese un ano do noso primeiro ciberfaladoiro no confinamento. Pensamos que se converteu nun espazo de apoio mútuo e compartir que nos axudou como organización a seguir impulsando o pensamento crítico nestes tempos de pandemia.
  • 13 de abril: Ciberfaladoiro “Como será a ESF do futuro”. 19h nesta sala. Como será o activismo post-pandémico?
  • 17 de abril: Día Internacional da Loita Campesiña
  • 22 de abril: Día da Terra
  • 24 de abril: Asemblea Xeral de primavera de Enxeñería Sen Fronteiras Galicia.
  • 28 de abril: Día Mundial da Seguridade e Saúde no Traballo
  • 28 de abril: faladoiro de libre acceso dentro da materia de Cooperación para o Desenvolvemento na Enxeñería Civil, coa que ESF colabora e axudou a crear no seu día. 12:45h. Aula 2 – Escola de Camiños, Campus de Elviña, A Coruña. n’UNDO. Deshacer – Rehacer – No hacer. Colectivo n’UNDO.

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais twitter, instagram e na nosa canle de telegram,difundimos eventos de interese externos a ESFGalicia de temas vinculados ao noso traballo.

A ESF-RASE DO MES

    A min preocúpanme tres ou catro cousas das tecnoloxías actuais. […] A primeira, obtención dos materiais. Segunda, a man de obra explotada. A terceira, os transportes desas tecnoloxías. E a cuarta, que son produtos que non invitan á intelixencia.
Arcadi Oliveres (do que onte tivemos que lamentar o seu pasamento)