UN POUCO DE HISTORIA

En 2020, cando a pandemia da COVID19 deixou ao aire máis que nunca as costuras da nosa sociedade, e seguindo o exemplo doutros grupos de apoio que xurdiron en distintos lugares, dende ESF decidiurse impulsar a creación dun Grupo de Apoio Mútuo Dixital. Aí empezou a colaborar xente de ESF e tamén doutros movementos como BricoLabs, así como persoas individuais que se foron unindo a aportar e a aprender. Inicialmente a idea era dar apoio a quen tiña por casa ordenadores vellos, pero aínda utilizables se se empregaba un sistema operativo lixeiro (por suposto, baeado en software libre), para que puideran darlle nova vida. Tratábase de que polo menos se puideran usar por parte de nenxs e adolescentes para non perder o ritmo das súas clases ou actividades académicas en liña.

Pero o feito de non poder facer quedadas presenciais polas medidas antiCOVID, fixo que as persoas menos experimentadas no cacharreo e no software libre non acabaran de engancharse, así que decidiuse reenfocar o grupo. Co Banco de Reciclaxe Municipal de Teo (inaugurado en 2017) como referencia, impulsouse un banco en A Coruña (grazas á cesión do espazo por parte da Escola de Enxeñería de Camiños, Canais e Portos, no local que Enxeñería Sen Fronteiras ten nesa escola) e outro en Vigo (nun espazo que a Asociación IEEE logrou na Escola de Enxeñaría de Telecomunicación). O Banco da Coruña está a colaborar coa ONG Ecos do Sur, para darlles saída ás equipas preparadas. O Banco de Vigo fai o propio coa ONG Accem.

OBXECTIVOS

Con esta iniciativa queremos:

ONDE ESTAMOS?

Actualmente existen en Galicia (que saibamos) 3 Bancos de Reciclaxe Electrónica con Software Libre:

Banco Municipal de Electrónica de Teo

Rúa Ameneiro, Os Tilos

Banco de Reciclaxe Electrónica A Coruña de ESF Galicia

Local de Enxeñería Sen Fronteiras. Escola de Enxeñería de Camiños, Canais e Portos. Campus de Elviña s/n. 15071, A Coruña

Banco de Reciclaxe Electrónica Vigo de IEEE UVigo

Escola de Enxeñaría de Telecomunicación. Universidade de Vigo Campus Lagoas-Marcosende. 36310, Vigo

COLABORA NOS BANCOS!

Para contactar é necesario simplemente enviar un email a

bancoreciclaxecoruna[ARROBA]galicia.isf.es

indicando o desexo de participar nalgún dos Bancos de Reciclaxe Electrónica con Software Libre (xa sexa axudando na preparación de equipos, xa sexa doando os que non precises). Dependendo da túa dispoñibilidade e lugar de residencia, poñerémoste en contacto cun dos tres bancos existentes.

Calquera persoa, sexa cal sexa o su grao de coñecemento nestes temas informáticos, pode participar axudando na preparación de equipos (apréndese moito!).

Ademais, se queres montar un banco onde tí estás, axudarémoste no que precises.

TUTORIAIS E MATERIAL DE AXUDA XERADO

Aquí se pode ver un vídeo sobre como crear un pendrive cun sistema operativo Lubuntu (de sofware libre e moi lixeiro) que permita facer funcionar unha computadora vella (e mesmo aínda que non teña disco duro!).