Posts

Enxeñeria Sen Fronteiras

BOLETÍN OFICIAL ESFEIRO: ABRIL 2020

/in ,

CONTIDOS

  • Vida Asociativa
  • Honduras
  • Enlaces de interese
  • Publicacións en físico
  • E no próximo mes …
  • A ESFrase do mes

VIDA ASOCIATIVA

    Este mes, a pesar do comezo da cuarentena que paralizou a actividade presencial (tivemos que adiar as Xornadas de Multiculturalidade e Cooperación), houbo bastante movemento. Queríamos comezar dándolle parabéns á nosa Andreina polo premio do IV Concurso de TFG sobre Enxeñaría e Muller Rural na EPS-Lugo. Tamén lembrar que xa están seleccionadas as tres persoas que participarán no Programa de Coñecemento da Realidade 2020: Eva, Xoel e Irene, que están seguindo un itinerario formativo en liña que creamos para a súa formación pero que podes seguir calquera.

    Paula e Carmen, as nosas asesoras en temas de protección de datos e ciberacoso, nos ilustraron cun artigo ben interesante: Control sobre la pareja a través de redes sociales y servicios de mensajería.

    ESF Radio, o podcast de ESF, non descansa nin co estado de alarma. Aquí vai o episodio 6, que é o terceiro do informativo “Apocalipse Nau. O cambio climático son Os pais”.

    Con motivo do Día Mundial da Auga o 22 de marzo, voltamos poñer en liña o Tetris dos Dereitos Humanos, e tivemos reseñas do mesmo en medios como Revista Morcego e Balea Cultural. A ver que tal se vos da, xa nos contaredes.

   Dende Enxeñería Sen Fronteiras apoiouse tamén o manifesto En Defensa Dos Mercados De Alimentos De Proximidade Como Garantes De Seguridade Alimentaria No Estado De Alarma , con Sindicato Labrego Galego, para que se volva autorizar os mercados de alimentos de proximidade, preocupándose de que dispoñan dos medios materiais e humanos necesarios para organizar e aplicar correctamente todos os protocolos de seguridade (como ocorre nos supermercados). Tamén apoiamos o manifesto de apoio a Manuel García, do MEL, ante o intento de amedrentamento de Coren.

    Dende a Federación Española de Ingeniería Sin Fronteras sacouse tamén un manifesto con propostas de medidas ao goberno para que a aplicación móbil COVID-19 respecte a nosa privacidade.

HONDURAS

    En Honduras tamén está declarado o estado de alerta, pero está sendo complicado que a poboación poida cumplir as medidas. Hai moita precariedade e os colchóns económicos son inexistentes para unha gran parte da poboación. Por outra banda, moitos bancos e outras tendas abren só 3 días á semana en horario reducido, así que hai gran concentración de persoas, especialmente en bancos para ir cobrar salarios. Os proxectos están parados, pero hai un colchón para que as persoas asalariadas dos proxectos sigan cobrando un tempo para ver se se normaliza a situación. Só temos agora mesmo un proxecto financiado pola Xunta de Galicia en marcha. Tamén está en marcha un proxecto a 4 anos coa Axencia Española de Cooperación. Os dous son do programa de soberanía alimentaria. Este ano pode retrasarse algo a resolución dos dous proxectos que solicitamos en febreiro á Xunta de Galicia, un do programa de soberanía alimentaria-xénero e outro para dar continuidade ao programa de dereito á auga.

    Quixemos aproveitar para contar como foi a campaña levada a cabo entre 2018 e 2019 na Fase 1 do programa de soberanía alimentaria-xénero, chamada “Tejiendo justicia, tejemos igualdad“.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o Ben Común

Voluntariado e Persoas

PUBLICACIÓNS EN FÍSICO

Aquí podes ver moitas das publicacións que temos disponibles para préstamo á base social xa catalogadas.
Este mes, dado o especial contexto, animámoste a revisar a túa biblioteca na procura dalgún libriño deses que lle tiñas gañas pero nunca tiñas tempo para el, ou ese que quería volver a ler porque gustárache moito no seu día. Sería xenial se nolo recomendas nas nosas redes sociais!!!

E NO PRÓXIMO MES …

   Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais Facebook,  instagram e Twitter difundimos eventos de interese externos a ESFGalicia de temas vinculados ao noso traballo.

A ESF-RASE DO MES

… [a pedagoxía crítica] é un intento por recoñecer que a educación é sempre política e o tipo de pedagoxía que se usa ten moito que ver coa cultura, a autoridade e o poder. A función da escola debería ser conseguir crear cidadáns tolerantes, con capacidade de diálogo. Non lles ten que preparar para o traballo que terán no futuro, senón para o tipo de sociedade na que queren vivir.
Henry Giroux

Enxeñeria Sen Fronteiras

Boletín oficial ESFeiro: febreiro 2020

/in ,

CONTIDOS

  • Vida Asociativa
  • Honduras
  • Enlaces de interese
  • E no próximo mes …
  • A ESFrase do mes

VIDA ASOCIATIVA

   Comenzamos o ano cunha asamblea extraordinaria, que serveu de celebración do aninovo e tamén para aprobar a nova planificación estratéxica de ESF Galicia 2020-2024 (que até ten banda sonora!). Ademais, o 28 de xaneiro, día da protección de datos, quixemos adicar o 3º episodio do noso podcast ESFRadio a unha ficción sonora para coñecer máis deste tema…, pero cun enfoque divertido. Participamos no encontro do Movemento Galego polo Clima, ao que ESF pertence, e abrimos o prazo para solicitar praza no programa de voluntariado interancional de Coñecemento da Realidade 2020 (aberto até o 7 de febreiro). Ademais, compartimos con compañeiras da ONG FISC un faladoiro sobre “tecnoloxía para o ben común”. Quixemos tamén recomendar 3 libros doutras tantas persoas vinculadas a Ingeniería Sin Fronteras, para empezar ben o ano!

HONDURAS

  Dende Honduras nos chegan novas preocupantes pola enorme mortandade de moluscos, que pon en xaque o modo de vida das poboacións costeiras. Aquí contamos máis do tema. Ademais, estamos a tope preparando os dous proxectos para os que queremos acadar financiación da Xunta de Galicia, un dentro do programa de dereito a auga e outro dentro do de soberanía alimentaria e desenvolvemento endóxeno.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

E NO PRÓXIMO MES …

   Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD (ou subscríbe ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais Facebook,  instagram e Twitter difundimos eventos de interese externos a ESFGalicia de temas vinculados ao noso traballo.

A ESF-RASE DO MES

[…] os problemas actuais das sociedades humanas non se derivan do desenvolvemento da tecnoloxía nin dos tecnólogos, que en xeral están facendo o seu traballo de xeito moi eficiente, senón da escaseza, cando non ausencia, de persoas doutras ramas, tales como filósofos, educadores, historiadores ou, en xeral, profesionais das Humanidades capaces de engadir a eses procesos de adopción sensibilidades e elementos non precisamente tecnolóxicos, senón doutros tipos, expostos en moitas ocasións dende perspectivas humanísticas.
Enrique Dans en Viviendo en el Futuro

Enxeñeria Sen Fronteiras

Boletín Oficial ESFeiro: xaneiro 2020

/in ,

CONTIDOS

  • Vida Asociativa
  • Honduras
  • Enlaces de interese
  • Publicacións en físico
  • E no próximo mes …
  • A ESFrase do mes

VIDA ASOCIATIVA

   En decembro o máis destacado foi a visita a Galicia de Teresa e Basilia, as “mulleres da auga” hondureñas que forman parte de AHJASA (organización socia de ESF no programa de dereito á auga en Honduras dende hai xa 5 anos). A súa axenda foi ben intensa, e agradecemos especialmente á asociación COXAPO o seu recibimento e apoio nesa semana. A súa visita serveunos de excusa perfecta para que vira a luz o episodio 2 de ESFRadio, o noso podcast. Tamén traballouse arreo para deixar listo documento da nova Planificación Estratéxica de ESF Galicia 2020-2024, que se aprobou nunha asemblea extraordinaria o pasado día 4 de xaneiro, e puxo o punto e seguido a case 2 anos de traballo na elaboración participativa da mesma. Ademais, compartimos unha pequena publicación de consellos para optimizar móbiles Android. Estivemos pendentes das eleccións á reitoría da UDC, e achegamos ao gañador unha vella reivindicación de ESF. Tamén houbo persoas de ESF Galicia por Madrid na manifestación do Cumio do Clima. O día do voluntariado unha das voluntarias de ESF contou a súa experiencia na TVG. Asistimos a un obradoiro sobre enerxía con enfoque de dereitos, organizado por EAPN-Galicia (velaquí está o material que nos facilitaron). Tivemos tempo tamén para falar coa xente da IEEE Vigo sobre Electrónica Ética nun obradoiro na Escola de Enxeñería Industrial.

HONDURAS

  En Honduras houbo traballo arreo para pechar dous proxectos que viñan xa dende xaneiro de 2018. Tratábase dunha nova fase do programa de promoción do Dereito á Auga (onde colaboramos coa Universidade da Coruña en temas de hidroxeoloxía e bombeo de auga con enerxía solar), e un proxecto moi novidoso de apoio ás Oficinas Municipais da Muller dos 7 municipios da Mancomunidade NASMAR e de promoción de grupos productivos de mulleres, incluindo un pequeno fondo rotatorio (tipo microcréditos), apoiados pola organización socia de ESF no programa de soberanía alimentaria CODDEFFAGOLF. Co peche e avaliación destes proxectos estívose xa aproveitando para iniciar o deseño das seguintes fases destes dous proxectos, para os que se buscará financiación na convocatoria de subvencións da Xunta de Galicia para proxectos de cooperación internacional de ONGD, xa aberta.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

Aquí podes ver moitas das publicacións que temos disponibles para préstamo á base social xa catalogadas e, se che interesan estes temas, tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.

Este mes:

  • Acaparamento e Concentración da Terra en Europa. Folleto. Sindicato Labrego Galego
  • Feminismo como semente. Soberanía Alimentaria como froito. Sindicato Labrego Galego, Secretaría de Mulleres

E NO PRÓXIMO MES …

    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD (ou subscríbete ao seu boletín quincenal, que conta con ofertas de emprego; formacións e actividades; novidades do sector; convocatorias de bolsas e subvencións; propostas de voluntariado, etc.). Tamén nas nosas redes sociais Facebook, Instagram e Twitter difundimos eventos de interese externos a ESFGalicia de temas vinculados ao noso traballo.

A ESF-RASE DO MES

Os teléfonos móbiles e as redes sociais están deseñados para captar a nosa atención o maior tempo posible e coa maior intensidade, a fin de mercantilizar e monetizar esta atención ao máximo. Txetxu Ausín

Enxeñeria Sen Fronteiras

Boletín Oficial ESFeiro: decembro 2019

/in ,

CONTIDOS

  • Vida Asociativa
  • Honduras
  • Enlaces de interese
  • Publicacións en físico
  • E no próximo mes …
  • A ESFrase do mes

VIDA ASOCIATIVA

    Empezamos novembro con forza, no encontro da Federación Española de Ingeniería Sin Fronteiras (máis coñecido como “a Cósmica“). Despois, na finde do 23, celebramos a nosa Asemblea Extraordinaria do Outono en Santiago de Compostela, onde definimos varios temas de gran interese para os vindeiros anos da asociación, e que terá como culminación a Asemblea Extraordinaria de aprobación da Planificación Estratéxica a finais deste mes de decembro. Nela aproveitamos para adherirnos ao Manifesto Galego polo Clima.

    Ademais, tivemos a visita a Galicia de Lucía e Doris, dúas valentes defensoras da terra contra prácticas extractivas como a minaría, a camaronicultura ou as plantas fotovoltaicas no sur de Honduras. Algún medio de comunicación se fixo eco da visita. Por outra banda, en novembro naceu o podcast ESFRadio, aquí podes escoitar o primeiro episodio, onde Patricia e Irene entrevistaron a Lucía e Doris, por se non puidestes asistir a ningún encontro con elas.

    O 29 de novembro, no no VIII Congreso de Cooperación Universitaria al Desarrollo, estívose a presentar a rede de profesorado técnico en cooperación das tres universidades galegas que se está a impulsar coa nosa colaboración e a de Arquitectura Sen Fronteiras Galicia. No grupo da ETSE-Compostela temos artistas que nos obsequian con viñetas que nos fan pensar como esta.

    Tivemos tempo tamén de recoller o cheque do obtido no concerto solidario que organizou a Universidade de Vigo a beneficio do programa de auga de Enxeñería Sen Fronteiras. Reiteramos dende aquí o noso agradecemento e, sobre todo, a aposta que está a facer a UVigo en impulsar accións de educación para o desenvolvemento máis aló deste concerto.

HONDURAS

    En Honduras, puidemos ver novos avances no programa de promoción do Dereito á Auga, onde as comunidades que van contando coa ferramenta de planificación dos recursos hídricos van acadando apoios e financiación para poder chegar nalgún momento ao 100% de cobertura de auga mellorada e saneamento en todos os municipios da Mancomunidade NASMAR, o gran obxectivo ao que queremos contribuir.

    Ademais, están xa dispoñibles as meta-avaliacións da parte financiada pola Xunta de Galicia dos programas de Dereito Humano á Auga e de Dereito á Alimentación con enfoque de soberanía alimentaria entre 2010 e 2017.

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

Aquí podes ver moitas das publicacións que temos disponibles para préstamo á base social xa catalogadas e, se che interesan estes temas, tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.

Este mes:

  • A Mina Contamina. Pinga e Lavandeira. Unidade didáctica sobre os perigos da minaría depredadora

E NO PRÓXIMO MES …

    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais Facebook, Instagram e Twitter.

A ESF-RASE DO MES

A tecnoloxía poderíanos levar a unha relación cooperativa máis profunda, pero se emprega para a explotación dos usuarios.

Manuel Rivas

Enxeñeria Sen Fronteiras

Boletín Oficial ESFeiro (BOE) : novembro 2019

/in ,

CONTIDOS

  • Vida Asociativa
  • Honduras
  • Enlaces de interese
  • Publicacións en físico
  • E no próximo mes …
  • A ESFrase do mes

VIDA ASOCIATIVA

Enos grato contarvos que o pasado mes foille entregado a Pepe Vara, o presidente honorífico de ESF Galicia e un dos fundadores da asociación hai 26 anos, o premio Humana da Universidade de Vigo (onde ESF naceu) pola súa traxectoria persoal en cooperación e dereitos humanos. Aquí podes ver o momento. Deste premio se fixeron eco diversos medios. En outubro, ademais do premio de Pepe, houbo máis boas noticia dende Vigo, como foi o concerto solidario de Juancho Marquésorganizado pola universidade a prol de Enxeñería Sen Fronteiras, do que falaron tamén diversos medios (aquí ou aquí podes velo). Por outra banda, invitadas pola propia Universidade de Vigo, tivemos ocasión de asistir ao Ourense Rural Summit, onde máis de cen persoas de diversas procedencias (tanto a nivel disciplinar como a nivel xeográfico) trataron de xenerar ideas de cara a conformación do Observatorio de Investigación Rural, que pense xeitos de impulsar un rural vivo.

Un dos acontecementos do mes foi sen dúbida a visita de Alba e Lourdes, mulleres marisqueiras da illa de Amapala (Honduras), que estiveron de xira por Galicia e aquí podes ver a crónica. Ademais, en Santiago tivemos un faladoiro con nova xente interesada en participar en ESF Galicia. Xa son un grupiño ben bo, pero índa seguen buscando xente interesada en facer cousas, así que se te animas ou sabes dalguén na zona de Compostela… Grazas a eles, temos DENDE ESTE MES, INSTAGRAM ESFEIRO.

HONDURAS

En Honduras rematouse o proxecto financiado polo Fondo Galego de Cooperación e Solidariedade pertencente ao programa de Dereito á Auga, onde se forteleceu ás oficinas técnicas da Mancomunidad de Municipios del Sur e de cada un dos 7 concellos que a compoñen.  Tamén se están completando as actividades do proxecto financiado pola Xunta de Galicia, dentro deste mesmo programa, de fortalecemento da xestión pública da auga e saneamento, incluindo unha escola de promotores de auga impulsada pola asociación AHJASA.

ENLACES DE INTERESE

Auga

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Voluntariado e Persoas

PUBLICACIÓNS EN FÍSICO

(se che interesan, están no local de A Coruña ou fácilmente accesibles, e as persoas da base social de ESF poden solicitalas para préstamo).

Aquí podes ver moitas das publicacións que temos disponibles para préstamo á base social xa catalogadas e, se che interesan estes temas, tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo.
Este mes:

  • La ética de las ONGD y la lógica mercantil. Icaria
  • Guía de simulación y de juegos para la educación ambiental. Los libros de la catarata
  • Más allá de la ayuda. Coherencia de políticas económicas para el desarrollo. Real Instituto Elcano

E NO PRÓXIMO MES …

    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais Facebook , Twitter e Instagram.

A ESF-RASE DO MES

O problema non é tecnoloxía si ou non, senón quen a crea, desde que intereses e con que visión da sociedade e do mundo. Marina Garcés

Enxeñeria Sen Fronteiras

Boletín Oficial ESFeiro: setembro 2019

/in ,

CONTIDOS

  • Vida Asociativa
  • Honduras
  • Enlaces de interese
  • Publicacións en físico
  • E no próximo mes …
  • A ESFrase do mes

VIDA ASOCIATIVA

      Xa estamos todos e todas de volta? Esperamos que veñades con moitas ganas e ilusión, pois este ano temos o gusto empezar setembro coa boa nova da concesión da subvención para formar o “Grupo interuniversitario de investigación en cooperación técnica para o desenvolvemento sustentable”, xunto con persoas das tres universidades galegas e Arquitectura Sen Fronteiras. Un vello sono empeza a facerse realidade!

    A finais de agosto a nosa compañeira Zoe empezou a súa aventura hondureña, que durará un mes, organizando e participando no Campamento da “Red de Jóvenes en Acción por el Clima“. Iremos contando como lle vai.

    O 3 de setembro cumpríronse os 15 anos da creación da sede de ESF en Santiago de Compostela. Grazas á Escola Técnica Superior De Enxeñería da USC por darnos acubillo estes anos. En breve, empezaremos coas actividades do novo curso na sede!

HONDURAS

   En Honduras, no programa de Soberanía Alimentaria, a nosa organización socia CODDEFFAGOLF participou na Mesa de Seguridad Alimentaria (SAN), en Nacaome. Ademais, organizou un obradoiro para a creación de negocios con grupos de mozas da aldea de Matearal, no concello de Nacaome, e co grupo de mulleres da aldea de Mapachín.

Moi pronto comenzará a prestar os seus servizos a distintas aldeas o primero grupo de Técnicxs Certificadxs en Administración Operación y Mantenimiento de Sistemas de Agua Comunitarios. Cada aldea (ou varias agrupadas) manterán co seus propios fondos a estas persoas (que proceden das propias aldeas e foron formadas no programa organizado por Ahjasa HN e apoiado, entre outros, pola política pública de Cooperación Galega Xunta de Galicia, recoñecido en Honduras como un equivalente á FP de España).

ENLACES DE INTERESE

Auga

Comunicación para o (como) desenvolvemento

Consumo responsable

Cooperación e ONGD

Educación para o desenvolvemento

Iniciativas

Investigación para o desenvolvemento 

Mundo

Políticas e modelos de desenvolvemento

Sensibilización

Soberanía alimentaria e desenvolvemento rural

Tecnoloxías da Información e Comunicacións (TIC)

Tecnoloxía para o desenvolvemento humano

Activismo e Persoas

PUBLICACIÓNS EN FÍSICO

Aquí podes ver moitas das publicacións que temos disponibles para préstamo á base social xa catalogadas e, se che interesan estes temas, tamén podes consultar o catálogo da biblioteca da Coordinadora Galega de ONGD, con moitos fondos que ceden para préstamo. Anímate a pasar polo noso local da Coruña, onde temos a nova biblioteca xa en pleno funcionamento.
Este mes:

  • Lo que hay que tragar. Minienciclopedia de política y alimentación. Gustavo Duch.

E NO PRÓXIMO MES …

    Para máis info sobre cursos e eventos en Galicia consulta a Axenda Solidaria e as formacións da Coordinadora Galega de ONGD, ou segue as nosas redes sociais Facebook e Twitter.

A ESF-RASE DO MES

Sen unha xustiza algorítmica, a precisión e a equidade dos algoritmos poden dar lugar a ferramentas de intelixencia artificial que se usen como armas.

Joy Buolamwini