Posts

BOE
Enxeñeria Sen Fronteiras

Boletín Oficial ESFeiro: decembro 2025

/in , , ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E proximamente …
  • A ESFrase do mes

VIDA ASOCIATIVA 

    En Galicia, as compañeiras Paola e Martina tiveron a ocasión de viaxar a Bruselas dentro do curso sobre Financiación Europea coa Fundación Galicia-Europa. 

    No programa de ESF na Universidade (ESFnaUni), en colaboración coa Rede Artigo9Tech, asistimos á presentación do “proyecto CADMIO“, da UDC, a USC, a Universidade do Minho e a UNAH, que estudará a contaminación da auga subterránea no sur de Honduras no contexto dos nosos proxectos. Tamén tivemos faladoiros en clases falando de ESF e dos seus ámbitos de traballo, como na Escola de Camiños da UDC e na ETSE de Compostela (dentro da serie de faladoiros na materia Aula Profesional). Na UDC, con motivo da semana da reparación, tivemos un repair café (encontro de reparación colectiva) en Camiños e no Campus Industrial de Ferrol. 

Dentro deste programa, tivemos a VI Xornada de Tecnoloxía para o Ben Común, encontro anual da Rede Artigo9Tech, que tivo lugar na Escola de Telecomunicacións da UVigo, onde coñecemos varias experiencias das universidades nesta liña da cooperación e a tecnoloxía para os dereitos humanos. Colaboradoras da UDC participaron nun encontro na Coruña “Defendendo o dereito á auga no sur e no norte”. 

Ademais, persoas da base social da ESF que son da UVigo fixeron a Presentación da Guía de Autodefensa Dixital no centro social Faísca, en Vigo, grazas ao apoio das axudas de 0,7 do IRPF, da Xunta de Galicia.

    No programa de ESF no eido profesional e da economía social (ESFpro), participouse en varios encontros sobre economía social e traballo comunitario. Coidar da auga, facer comunidade en Pontevedra falando de xestión comunitaria de auga Honduras-Galicia, en Melide no encontro “A Economía Social e Solidaria emprende con C: Coñece, Conecta e Crea” presentando este mesmo programa. Tamén se avanzou na elaboración do mapa galego de iniciativas para a transición ecosocial, cunha primeira versión do visor web, e dous encontros presenciais para falar sobre boas prácticas comunitarias e exemplos delas (en Vigo e Santiago). Tamén houbo un repair café no CS Casco Vello de Vigo. 

    No programa Hackers Sen Fronteiras (HsF), de tecnoloxía para o ben común no ensino secundario, houbo o encontro de peche desta fase, co profesorado  de secundaria colaborador, que veu até Santiago de Compostela.

    No programa Mulleres Bravas,  estase a realizar un proxecto de Aprendizaxe-Servizo coa UVigo, na Escola de Administración Pública de Pontevedra.

    En rede, participamos no encontro de reflexión conxunta sobre a situación actual da Educación para a Cidadanía Global (ECG). Colaborouse no Roteiro Feminista na Coruña co Colexio de Traballo Social, Ecos do Sur e o programa Galicia Abriga. Ademais, tivemos un encontro en liña con distintas asociacións da Federación ISF sobre Iniciativas de derecho a reparar, repair café y bancos de reciclaje.

    Ademais, tivemos tempo para a reflexión, con este artigo de preguntas sobre decrecemento.

HONDURAS

    Esta pasada fin de semana foron as eleccións en Honduras. Parece que voltaremos a un goberno reaccionario e, posiblemente, con retrocesos nos tímidos avances en dereitos humanos acadados no país na última lexislatura (se é que non con repunte da represión contra as organizacións da sociedade civil, como está a ocorrer noutros países da zona como Nicaragua ou El Salvador).

    No entanto, no eixo de traballo de soberanía alimentaria e defensa do territorio, seguiu o traballo no programa de restauración do ecosistemas de lagoas de inverno. Fíxose  limpeza de canais e monitoreo de aves, así como un  curso de conservacion ecosistemas, outro sobre a correcta aplicación da cadea de frío e un encontro de xente nova. Tamén houbo unha visita institucional, da Corporación Municipal de El Triunfo.

No programa de apoio ao marisqueo artesanal, fíxose un encontro de  incidencia local e gobernanza comunitaria, así como unha xornada de traballo sobre liderado das mulleres marisqueiras e unha formación en caixas rurais.

O terceiro programa deste eixo de soberanía alimentaria é o de apoio a sistemas agrícolas resilientes, neste caso financiado por un programa da AECID. Dentro deste programa, tivo lugar unha formación de transformación alimentos 

    No eixo de traballo de dereito humano á auga estívose a pechar a documentación para xustificar as subvencións da fase recén rematada e preparando a seguinte, para obter financiamento en 2026.

MOZAMBIQUE

    Durante o mes de novembro tivo lugar unha visita técnica a Mozambique na que se traballou, fundamentalmente, coa Administración Regional de Aguas do Sul de Moçambique na mellora da xestión de inundacións. Incidiuse na revisión e análise da normativa relacionada con membros da equipa técnica e tamén coas xefaturas de departamento e do gabinete xurídico. 

    Entre o 3 e o 7 de novembro tivo lugar en Maputo a conferencia internacional REMCO. A REMCO -International River and Environment Cooperation- é unha iniciativa de cooperación entre Mozambique, África do Sur e Eswatini, enfocada na xestión integrada e sustentábel das bacías hidrográficas transfronterizas. Durante a REMCO, evento que reúne os principais actores dos recursos hídricos a nivel internacional, foron presentadas por parte da ARA Sul dúas ponencias de traballos realizados no ámbito do proxecto: unha centrada na análise comparativa entre as precipitacións estimadas por satélite e as das estacións pluviométricas e outra sobre a monitoria en tempo real da chuvia con datos de satélite.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes toca cine, a película Ciudad sin sueño, ambientada na Cañada Real.

E PROXIMAMENTE …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

  • 2 de decembro: Día Internacional para a Abolición da Escravitude (segue habendo moitos tipos dela…)
  • 3 de decembro: Día internacional das Personas con Discapacidade
  • 3 de decembro: Día Internacional non uso de plaguicidas
  • 5 de decembro: Día Internacional do Voluntariado para o Desenvolvemento Económico e Social
  • 5 de decembro: Día Mundial do Solo
  • 6 de decembro: Repair Café en O Covelo (pavillón de deportes, toda a mañá).
  • 9 de decembro: Día Internacional contra a Corrupción
  • 9 de decembro: Día Internacional para a Conmemoración e Dignificación das Víctimas do Crime de Xenocidio e para a Prevención dese Crime
  • 9 de decembro: Día Internacional da Informática
  • 9 de decembro: pecha o prazo para presentar propostas ao I Concurso de iniciativas de tecnoloxía para o ben común no eido profesional e da economía social
  • 10 de decembro: Día dos Dereitos Humanos
  • 12 de decembro: II Congreso Galicia é Economía Social e Solidaria
  • 17 de decembro: almorzo de Nadal na oficina de ESF da Escola de Camiños na Coruña, a partir das 11:30h
  • 18 de decembro: Día Internacional da Persoa Migrante
  • 19 de decembro: Día das Nacións Unidas para a Cooperación Sur-Sur
  • 19 de decembro: pecha o prazo para matricularse no curso de Facilitación de Grupos, de Amigas da Terra e Suburbia
  • 20 de decembro: Día Internacional da Solidariedade Humana
  • 23 de decembro: 11h. Encontro de nadal de ESF en Santiago de Compostela. 11 a 13h no CSC Fontiñas de Santiago de Compostela e ás 14h, comida de confraternización

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

«A mi mamá no la estamos enterrando. La estamos sembrando». 

As fillas de Berta Cáceres o día que a despediron

BOE
Enxeñeria Sen Fronteiras

Boletín Oficial ESFeiro: novembro 2025

/in , , ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En Galicia, empezamos coa boa nova sobre as compas do Banco de Reciclaxe Electrónica con software libre de Ames en Milladoiro, que acaban de estrear web e redes sociais, a quen apoiamos dende o seu inicio hai xa dous anos. Ademais, sacamos unha peza sonora para ESFRadio sobre o Obradoiro de escritura creativa: Decrecendo a tecnoloxía, que tivemos no verán, no que incluimos parte dos relatos que foron saíndo ese día. Unha das persoas da nosa base social compartiunos unha historia de violencia administrativa que viviu e documentou. 

    No programa de ESF na Universidade, houbo distintos faladoiros sobre ESF e a posibilidade de colaborar ou facer traballos académicos connosco (na EPS de Ferrol, no mestrado de Enerxías Renovables da USC…). Tamén tivemos encontros con grupos de estudantes de diversas escolas técnicas (Camiños e ETSE sobre todo), para tratar de impulsar actividades nestas escolas, lanzando ademais a bolsa para estudantes nesas dúas escolas en concreto (pechará o día 15 de novembro o prazo para presentar propostas). Xa está a tomar impulso o novo banco de reciclaxe do Campus Sur de Compostela, na ETSE. Tamén na ETSE, tivemos catro sesións na materia Aula Profesional, onde falamos sobre Tecnoloxía para o Ben Común, e sobre Cooperación para o Desenvolvemento, así como sobre bancos de reciclaxe e sobre os proxectos en Mozambique e Honduras (aproveitando a incríble sorte de poder xuntar por primeira vez persoas das nosas socias locais neses países). 

    No programa de ESF no eido profesional e da economía social, tivemos unha visita super-chula ao proxecto de agricultura biointensiva A Milpa do Salnés. Compañeirxs dos bancos de reciclaxe con software libre estiveron na Feira de Tecnoloxía Libre na Coruña e, tamén na Coruña, fixeron a primeira sesión da Escola de Inverno, na Domus (cun repair café precedido de formacións en app libres como FreeCAD e Anki). O grupo que está construindo o visor de iniciativas ecosociais está traballando e incorporando a novas persoas. Tivemos unha nova xornada para probar o xogo didáctico de xestión comunitaria do monte. Continuamos cos cafés-tertulia en Compostela, desta volta afondando nas razóns da crise ecosocial, neste caso falamos do Antropocentrismo. 

    No programa Hackers Sen Fronteiras, de tecnoloxía para o ben común no ensino secundario, houbo un encontro en liña de alumnas tecnólogas, para dar continuidade ao presencial que se fixera antes do verán.

    No programa Mulleres Bravas, que está comezando a súa nova fase, fíxose un ciber-encontro que nos encheu de ilusión e lle tiñamos moitas ganas. Foi coas compas de Barracón Digital, de Honduras, onde intercambiamos xeitos de traballo, e esperamos chegar a atoparnos presencialmente nalgún momento do ano que vén.

    En rede, participamos no encontro de Galicia Abriga, e tamén na celebración do XXX aniversario da cooperación galega e do XX aniversario das compas de Asamblea de Cooperación pola Paz.

    Ademais, estívose a facer en cada grupo de traballo de ESF unha reflexión para incorporar á nova planificación estratéxica 2026-2030 que se está a elaborar, e o 25 de outubro tivemos a nosa Xuntanza de outono da base social, con asemblea e formación en tema de coidados.

HONDURAS

    No eixo de traballo de soberanía alimentaria e defensa do territorio, continuou o programa de restauración de lagoas de inverno, a moi bo ritmo. Houbo escola de incidencia política, formación sobre confianza e empoderamento en la Berbería, formación para persoas de caixas rurais, limpeza de canles de desaugue e monitoreo da calidade de auga. No programa de fortalecemento da actividade marisqueira artesanal, tivemos monitoreo de bivalvos, fortalecida coa Identificación taxonómica de bivalvos del Golfo de Fonseca grazas a visita de persoal do CETMAR á zona, onde estiveron unha intensa semana. 

MOZAMBIQUE

    No mes de outubro tivo lugar unha visita a Galicia de Lizete Dias, xefa do departamento de recursos hídricos da Administração Regional de Aguas do Sul de Moçambique (organismo homólogo a Augas de Galicia no país africano).  Lizete participou nun evento conmemorativo dos 30 anos da Cooperación Galega no que expuxo as principais características e os resultados alcanzados ata o momento grazas o programa AQUAMOZ,  e aproveitou a visita para intercambiar experiencias con técnicos de AdG, persoal do GEAMA-UdC e voluntariado de ESF en relación á xestión e o estudo de inundacións e a xestión dos recursos hídricos. En Mozambique continuou o traballo en relación a análise de inundacións e a mellora da normativa relacionada e foi organizada unha nova visita técnica a Maputo que terá lugar a mediados de novembro, e tivemos a boa nova da presentación do traballo fin de mestrado de Hidráulica e Recursos Hídricos de Ernesto Tivane (técnico da Administración da Auga do Sur), na Universidade Eduardo Mondlane, mestrado para o que tivo unha bolsa dentro deste programa.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes toca teatro, que remata esta mesma finde en Madrid. Esperamos poder vela noutros lugares, téndea no radar! Trátase de ‘Sáhara, la barca del desierto’, sobre a historia do Sahara Occidental. Aquí unha reseña.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

  Unha vez as persoas cederon o seu pensamento ás máquinas coa esperanza de que iso lles fixese libres. Pero iso simplemente permitiu a outras persoas con máquinas escravizalas.   
Frank Herbert, Dune, 1965

BOE
Enxeñeria Sen Fronteiras

Boletín Oficial ESFeiro. Outubro 2025

/in , , ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    Aprobouse apoiar un Comunicado conxunto aberto e de urxencia de máis de 50 organizacións solidarias ante a violencia policial e detencións arbitrarias na etapa Vegadeo – Monforte de Lemos da “Vuelta” 7/9/2025. A segunda semana de setembro tivemos visita dunha comitiva dende Honduras, de persoas de CODDEFFAGOLF, a Universidade Nacional Autónoma de Honduras e DIGEPESCA, dentro do programa de apoio ao marisqueo. 

    Notouse que estamos a principio de curso, porque diversas persoas da base social de ESF asistiron a xornadas para potenciar as redes e ir aprendendo e incorporando os novos enfoques do activismo, como a xornada Sentires do Monte na comunidade veciñal de Couso, o Facifestia sobre facilitación de grupos, ACOWAS participando en mesas de traballo sobre xestión comunitaria da auga, indo á LowTechLife 2025 e á Burla Verde ou escoitando a Antonio Turiel e o desafío da sustentabilidade e a transición enerxética.

    No programa de Tecnoloxía para o ben común no eido profesional técnico e na economía social, estamos a traballar nun mapeo de iniciativas de tecnoloxía para a transición ecosocial, en colaboración co Cartolab da UDC, a ver que vai saíndo!

    No programa de ESF na Universidade arrancamos con forza o curso, con encontros para elaborar material de difusión nas Escolas Técnicas.

    En Hackers Sen Fronteiras, nos centros de secundaria, abrimos no IES de Vedra falando de Privacidade Dixital e protección de datos.

    Tamén empezou unha nova fase do programa Mulleres Bravas, cun faladoiro dentro dun Aprendizaxe Servizo na Uvigo, na Escola de Administración Pública en Pontevedra.

    Foi un mes, en resumo, de reinicio de actividades para moitos grupos tralo verán, con reunións da nova xunta directiva, do grupo de mulleres tecnólogas, universidade, de asesorxs técnicas ambientais, bancos de reciclaxe…

HONDURAS

    En Honduras no mes de setembro houbo moito traballo no eixo de soberanía alimentaria e defensa do territorio, sobre todo no do programa de restauración de lagoas de inverno, que financia a AECID e Cooperación Galega da Xunta. Continuou a Escola de Incidencia Política (nalgunha das zonas xa rematou, como en San Bernardo), actividades de arte social e limpeza de canais das lagoas de inverno.

    Ademais, tivemos unha das últimas crónicas das nosas participantes no Programa de Voluntariado Internacional de Coñecemento doutras Realidades, cunha reflexión ben chula de Belén, e tamén a volta de Aída, non sen antes dinamizar o II encontro de Mulleres Bravas en Honduras, que nos encheu de forza e tenrura.

MOZAMBIQUE

No mes de setembro no programa AquaMoz continuou o traballo de formación e acompañamento na ARA Sul relacionado cos estudos de inundacións e foron dados os primeiros pasos na ARA Centro. Tamén se está a estudar as posibilidades para facer incidencia no desenvolvemento de normativa relacionada coa planificación de inundacións en Mozambique. Por outra banda, continúa o traballo de acompañamento na monitoria da seca nas 3 ARAs e estase a organizar a participación dunha representante da ARA Sul no evento de conmemoración dos 30 anos da cooperación galega.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes vai de graffitis. Fixámonos nun de Bansky que están censurando en Londres pola crítica á xudicatura, e noutro en Bilbao referente á Vuelta Ciclista e a polémica co equipo Israel Premier Tech.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

  • 8 de outubro de 15:30h a 18h. Local de ESF na Escola Técnica Superior de Enxeñería de Camiños, Canais e Portos de A Coruña. Proba de xogo de mesa para aprender sobre cooperación para o desenvolvemento.
  • 9 de outubro ás 13h. Encontro aberto en Santiago de Compostela, no local de estudantes da Escola Técnica Superior de Enxeñería, para iniciar o Banco de Reciclaxe Electrónica do Campus Vida.
  • 13 de outubro: Día Internacional para a Redución de Desastres Naturais
  • 16 de outubro: remata prazo de inscrición e comeza o curso de balde en liña de Ingeniería Aplicada al Desarrollo Humano (aberta matrícula até agotar prazas ou comezo de curso)
  • 16 de outubro: Día Internacional de Acción pola Soberanía Alimentaria dos Pobos
  • 17 de outubro: Día internacional para a erradicación da pobreza
  • 17 de outubro. 10h. Edificio CINC, Cidade de la Cultura, Santiago de Compostela. Acto de posta en valor da cooperación galega. Haberá mesas redondas con copartes (coincide que haberá tanto de Honduras como de Mozambique de ESF), e unha mesa de voluntariado tamén con presenza de ESF. +INFO
  • 17 de outubro. 17h. Escola Técnica Superior de Enxeñaría de Santiago de Compostela. Local de estudantes. Encontro con persoas das organizacións coas que colaboramos en Honduras (CODDEFFAGOLF) e Mozambique (Administración Regional da Auga do Sur). Será unha ocasión incrible para coñecelas e falar con elas tranquilamente.
  • 18 de outubro: Repair Day 2025
  • 24 de outubro. Escola de inverno na Domus A Coruña. ÁS 17h faladoiro sobre FreeCAD. Ás 19 Experiencias sobre Anki. Tamén a partir das 19h, Repair Café para darlle nova vida a vellos aparellos
  • 24 de outubro: Día Internacional contra o Cambio Climático

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

    Teño razóns para manter a esperanza. Non vou a abandonar, pola xente nova, porque se a xente nova abandonase, entón si que xa non habería esperanza

Jane Goodall, que finou o pasado 1 de outubro.

BOE
Enxeñeria Sen Fronteiras

Boletín Oficial ESFeiro: verán 2025

/in , , ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    Neste verán a actividade continuou en Galicia a bo ritmo. Ante os graves acontecementos nalgúns lugares do Estado Español, ESF Galicia sumouse á Declaración “Tolerancia e respecto. Fronte ao discurso do odio e a aporofobia” impulsada por EAPN Galicia.

    Tivemos a boa nova a finais de agosto de que contaremos con apoio da Cooperación Galega para os programas Mulleres Bravas e ESF na Universidade.

    Dentro deste último, en xullo, presentámoslle ESF ao novo director da Escola de Camiños da UDC e participamos un ano máis no programa Xuventude Mentoring, cunha mentoría a un recén graduado.

    Dentro do programa de ESF no eido profesional, xunto con compañeiros de AGASOL, tivemos unha reunión con persoal técnico e político do Concello de Ames para ver posibilidades de colaboración no eido da sustentabilidade. Ademais, a nosa compañeira Lucía publicou en El Salto unha reflexión sobre a que se lle pode chamar tecnoloxía para o ben común e o compañeiro Chevi falou en praza.gal sobre a terrible vaga de incendios e o modelo depredador que hai detrás.

    Nos Bancos de Reciclaxe Electrónica non descansaron e, ademais de presentar a Guía de Autodefensa Dixital en medios como O Salto, fixeron unha completísima Escola de Verán de tecnoloxías dixitais libres na Coruña en xullo (aquí repositorio de materiais), e en agosto unhas xornadas de robótica libre coa Fundación Amigó. En Ferrol estiveron en medios como Radio Voz e tamén fixeron algunha entrega de equipos. En Vigo tiveron un curso de 4 días de Introdución á reparación de computadoras coa organización Diversidades. Ademais, tiveron un encontro con Ana Alfaya, que está a facer o doutorado no Postgrowth Innovation Laboratory da UVigo sobre dereito a reparar. Tamén se presentou o proxecto que está a apoiarnos a Axencia de Modernización Tecnolóxica de Galicia (AMTEGA).

    Tivemos tamén encontros da base social, cun obradoiro de escrita creativa con Lucía nun entorno precioso, e tamén un novo programa de ESFRadio sobre Os coidados ás activistas nos movementos pola defensa da terra e o territorio, aproveitando o día da gravación para facer unha xira e coñecer o entorno da Mina Touro-O Pino.

    Tamén de ESFRAdio realizouse o Boletín Sonoro do segundo trimestre do ano, que se pode escoitar aquí.

    Rematamos agosto cun encontro en Negueira de Muñiz para ir aterrando o deseño dun xogo didáctico sobre xestión comunitaria do territorio, que empregaremos en distintos entornos (tanto de organizacións de defensa da terra, como centros educativos de secundaria/FP e universidade).

    En rede, participamos en sendos webinares, un de presentación do informe “Estado das ONGD galegas” e outro co novo grupo de traballo da CGONGD de “Alianzas”. Tamén no encontro de profesionais pola defensa do territorio que se fixo en Palas de Reis. Non deixamos de denunciar o xenocidio de Gaza, facéndonos eco das distintas convocatorias no territorio galego.

HONDURAS

    En Honduras, no eixo de traballo de soberanía alimentaria, continúa o programa de restauración de lagoas de inverno coa nosa socia CODDEFFAGOLF, que financia AECID e a Cooperación Galega. Houbo Escola de Habilidades para la vida, ensaios de captación de semente silvestre de bivalvos, formación en monitoreo de pesca no sistema de lagoas de inverno e tamén monitoreo de bivalvos. Dentro do mesmo programa, deu comezo a Escola de Incidencia Política e houbo un taller para impulsar o emprendemento nas comunidades do entorno das lagoas.

    No eixo de traballo de dereito á auga, o laboratorio de calidade de auga do sur de Honduras está xa facendo distintas analíticas para os concellos da zona.

    Ademais, as participantes no Programa de Voluntariado Internacional de Coñecemento doutras Realidades (ás que chamamos agarimosamente “xs PCR”), estiveron mandándonos crónicas da súa estancia, cada unha co seu estilo particular. Aída falando dunha terra que a abraza e a cuestiona e con comparacións a un escenario cheo de voces, Lorenzo contando a primeiras impresións para logo ir xa sentíndose como en casa e Belén falándonos do amencer en San Lorenzo. Belén e Lorenzo xa regresaron a Galicia, e Aída regresará pronto, pero aínda teremos algunha crónica máis.

MOZAMBIQUE

No verán continuou o traballo en Mozambique no eido da seca e, sobre todo, das inundacións, despois da visita de 2 técnicos do ARA Centro a Galicia da que xa falamos no BOE anterior. Ademais, tivemos unha reunión de ESF e Augas de Galicia para falar do futuro de AquaMoz, que esperamos continue como referente de colaboración entre administracións públicas, universidades e organizacións da sociedade civil.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este verán chamounos a atención a exposición Plastic Biontes, unha intervención artística do colectivo Basurama nas Torres Hejduk da Cidade da Cultura en Santiago de Compostela.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO VERÁN

    A tecnoloxía só ten sentido se contribúe a superar a dor e o sufrimento do conxunto humano. Tales avances non poden quedar restrinxidos por cláusulas ou murallas comerciais, nin tampouco limitados a determinadas rexións xeográficas, perpetuando así iniquidades.


Javier Tolcachier é investigador no Centro Mundial de Estudos Humanistas e columnista e coeditor da axencia internacional de noticias con enfoque de Paz e Non Violencia Pressenza.

BOE
Enxeñeria Sen Fronteiras

Boletín Oficial ESFeiro. Xullo 2025

/in , , ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En Galicia tivemos un xuño de actividade intensa, a pesar de ser fin de curso. Empezamos a presentación da nosa Guía de Autodefensa Dixital, feita colaborativamente e  que está en constante actualización. 

    No programa Hackers Sen Fronteiras de tecnoloxía para o ben común no ensino secundario, pódense escoitar xa os programas de radio realizados por alumnado do IES San Rosendo de Mondoñedo, na súa visita a nosa sede na Escola de Camiños. Ademais, podemos ver o avance da iniciativa gañadora do concurso Hackers Sen Fronteiras, no CPI de Zas. Non deixedes de probar o videoxogo serio desenvolto polo alumnado de tecnoloxía de Mondoñedo, para concienciar sobre o acoso. Ademais, organizamos un ciberfaladoiro sobre As multinacionais deseñando a FP. Naturgy e o módulo de sustentabilidade, onde coñecemos a publicación do mesmo nome dun dos compañeiros do grupo de traballo (ten versión en galego e castelán)

    Dentro do programa ESF-Pro, con entidades profesionais da enxeñería e a economía social, participamos no encontro de FORESGAL, noutro sobre Auditoría Social con REAS Galicia, e tamén nun encontro de reflexión sobre participación cidadá na implementación de infraestruturas de transporte de electricidade, coa REde Renovables. Velaquí unha cŕonica.

    No programa de ESF na Universidade participamos no encontro e feira de asociacións dos 10 anos de Aprendizaxe-Servizo na Universidade da Coruña.

    Os Bancos de REciclaxe Electrónica tamén estiveron moi ocupados, con repair café en Covelo, outro na Domus da Coruña, un faladoiro sobre tecnoloxías para o ben común e un obradoiro de cacharreo na AtlanticaConf, un Repair Café e Chocolatada Solar en Ourense en colaboración con outras entidades e outro no CS Revolta de Vigo.

    Dentro do Programa de Voluntariado Internacional de Coñecemento doutras Realidades, fixéronse as últimas formacións (unha presencial e outra en liña) sobre proxectos de cooperación e tamén sobre os propios proxectos en Honduras e quen participa neles. Agora mesmo xa están en Honduras Aída e Lorenzo, á espera de que, a mediados de xullo, se lles una Belén.

    O 23 de xuño, Día Internacional da Muller na Enxeñaría, compartimos reflexións da varias mulleres da nosa base social sobre vivencias persoais e o papel das mulleres neste eido.

    Como parte do traballo en rede, houbo participación de ESF na Presentación do libro Nova Cultura da Terra, e tamén entramos a formar parte da asociación promotora da revista Soberanía Alimentaria, Biodiversidad y Culturas.

HONDURAS

    En Honduras, dentro do eixo de soberanía alimentaria, coa nosa socia CODDEFFAGOLF, houbo unha xornada de formación sobre boas prácticas pesqueiras. Tamén unha de motivación empresarial, coa participación de 50 mulleres de diversos grupos. Dentro do programa de REstauración de Lagoas de Inverno (financiado por AECID e Xunta de Galicia), tivemos xira de intercambio de experiencias. Tamén continuou a Escuela de Habilidades para la Vida.

    No eixo de Dereito á Auga, coa Mancomunidade NASMAR, houbo unha formación en toma de mostras de auga para análise de calidade, e xa se tomaron varias para fortalecer o sistema de monitoreo, que logo se analizarán no laboratorio da Región Sur, que se creou dentro deste mesmo eixo de traballo.

MOZAMBIQUE

    Ademais de continuar o traballo de asesoramento técnico coas Administracións Rexionais da Auga do país, en xuño houbo un par de eventos relevantes dentro do programa AquaMoz de fortalecemento de capacidades en xestión de eventos hídricos extremos (secas e inundacións). 

    Un dos socios do proxecto, Augas de Galicia, participou en Sevilla a través do seu director no Encontro sobre irmandades entre operadores de auga, falando do exemplo que supón de cooperación técnica entre administracións públicas a  nivel organismos de cunca hidrográfica. Tamén ESF Galicia puidemos asistir en liña a actividade e deixámosvos unha crónica, e outra das nosas compas de ESF Catalunya que puideron estar en Sevilla.

    Ademais, tivemos de xira técnica en Galicia a Francisco e Moisés, técnicos da Administración Rexional da Auga do Centro. Aquí podes coñecer como lles foi (tamén tiveron encontros coa nosa base social).

    Lembra que, se queres ter unha visión xeral do que se fai no programa AquaMoz, aquí tes unhas infografías e un pequeno vídeo moi clarificadores.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para a transición ecosocial

RECOMENDACIÓN ARTÍSTICA

    Este mes queremos chamar a atención sobre El Salvador, neste caso a través do activismo cultural e o hiphop de denuncia de rapeiras como Yezli Mic. Aquí se lle pode ver con outras compañeiras coa canción ¿Quien nos va a parar?

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

  • 5 de xullo (primeiro sábado de xullo): Día Internacional das Cooperativas
  • 7 de xullo: Día da Conservación do Solo
  • 7 de xullo: Repair Café dentro da Escola Popular de Verao da Asociación Gentalha do Pichel no seu local da rúa Santa Clara 21, Santiago de Compostela.  Colaborando co Banco de Reciclaxe Electrónica Municipal de Teo.
  • 7 a 11 de xullo: Escola de Verán de Ferramentas Libres. Escola de Camiños, Campus de Elviña. A Coruña. Son varios obradoiros de distintas ferramentas. Inscríbete de balde aos que queras! +INFO
  • Domingo 13 de xullo. Picnic Veraniego ESFeiro. Encontro informal da base social na Praia Fluvial da Tarroeira (OpenStreetMap | Google Maps) en O Pino. Trae a túa comida, ou se non vén pasar un rato pola mañá ou pola tarde!
  • 15 de xullo: Día Internacional das Tecnoloxías Apropiadas
  • Xoves 24 de xullo. 18-20h. Obradoiro de Escritura Creativa “Decrecendo a Tecnoloxía”. Dende a mañá estaremos de picnic pola zona. Lugar: Merendeiro con praia fluvial → Área recreativa Os Pasos, Aiazo (Frades). Inscríbete de balde neste formulario
  • 26 de xullo: Día do manglar
  • 28 de xullo: Día Internacional da Conservación da Natureza
  • Mércores 30 de xullo sobre as 18:30 una xira coñecendo o entorno da Mina Touro-O Pino (escrebe a sergio.fernandez[arroba]isf.es para anotarte)

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

    A ética do coidado promove a substitución da escola actual, cargada dunha pesada ética liberal que educa os nenos e nenas na crenza do individuo como ser autónomo, a unha ética da persoa como ser necesitado e  dedicado á axuda mutua; un cambio de paradigma do individualismo e a despersonalización á interacción e o coidado.

GARCÍA MARÍN, Jorge, 2021. Curso de Novas masculinidades. En: UNIDADE DE IGUALDADE e VICERREITORÍA DE ORDENACIÓN ACADÉMICA E PROFESORADO. Itinerario de xénero III. Universidade de Vigo. 978-84-
8158-844-6.

Enxeñeria Sen Fronteiras

Comando Hacker de Xornalismo Ético

/in ,

Durante o pasado mes de maio o alumnado de 2º da ESO participante na radio do IES San Rosendo (Mondoñedo) estivo inmerso nun Comando Hacker sobre ética no xornalismo.

Alberto Quián, docente do mestrado de IA e Xornalismo da USC, achegoulles as chaves para facer unhas boas entrevistas e investigacións e tamén lles expuso os peligros das fake news e o transfondo do clicbait. Unha semana despois, o alumnado desprazouse ata a Escola de Camiños da UDC, onde temos a oficina de ESF. Alí entrevistaron a distintas persoas da base social de ESF para coñecer os proxectos que levan a cabo, a súa traxectoria como voluntarix ou profesional na organización así como as súas inquedanzas persoais. Por outra banda, no mesmo día tiveron un espazo de exposición e conversa, que tamén quedou recollido a modo de entrevista inversa, arredor de dúas problemáticas medioambientais da contorna de Mondoñedo.

Bule a escoitar estas dúas produccións!

Entrevista do alumnado a ESF

Entrevista ao alumnado sobre afeccións medioambientais

BOE
Enxeñeria Sen Fronteiras

Boletín Oficial ESFeiro. Xuño 2025

/in ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

     En maio tivemos ciberfaladoiro sobre Fediverso e redes sociais descentralizadas. 

    No programa de Esf na Universidade, estivemos na Escola de Informática de Ourense falando de electrónica ética, cun repair café e tamén deixamos alí a exposición Coñeces o teu Móbil? e a nosa campaña Todo pasa e todo queda sobre machismos en personaxes históricos. Ese día ademais acompañáronnos 2 profes e 3 alumnos do IES Cosme López Rodríguez (A Rúa). Tamén estivemos na Escola de Camiños da Coruña nas materias de cartografía e de representación gráfica, falando de Tecnoloxía para o ben común.

    No programa de Hackers Sen Fronteiras (en secundaria), fíxose unha actividade ben chula con alumnado do IES San Rosendo de Mondoñedo, cunha formación en xornalismo e gravación de podcast de radio, así como un encontro en liña co profesorado colaborador no programa.

    No programa de ESF no eido profesional, tivemos un encontro en liña con Colexios Profesionais de Enxeñería, para reflexionar sobre boas prácticas ecosociais no eido técnico. Tamén houbo un faladoiro sobre xestión de eventos hídricos extremos co Colexio de Enxeñería Forestal, unha reunión con membros da xunta directiva do Colexio de Enxeñería Agrícola de Ourense, e participamos nunha mesa redonda con outras entidades de economía social sobre traballo digno.

    O de Ourense non foi o único repair café do mes, tamén en Vigo fíxose un, no local da cooperativa Árbore, e no Casino de Carballo. Ademais, fíxose a entrega de ferramentas do novo Banco Reciclaxe Electrónica con Software Libre na ETSE de Santiago de Compostela.

    No Programa de Voluntariado Internacional de Coñecemento doutras Realidades, tivemos formación en liña coas compañeiras de Honduras.

    Ademais, distintas persoas da base social asistiron a eventos interesantes, como en Santiago ás xornadas da Unión Profesional de Galicia, as mesas redondes de Sostenibilidade e outra de Intelixencia Artificial, en Ourense ás xornadas  “Non somos terra de sacrificio”: comunidades en loita pola defensa do territorio e da vida, ou en Carballo e Santiago aos encontros con Turiel sobre decrecemento.

    Puidemos desfrutar dun novo programa de ESFRadio, desta volta falando de Por que e como facer unha transición enerxética.

HONDURAS

    No eixo de traballo de soberanía alimentaria e defensa do territorio, houbo moito traballo no programa de Restauración das Lagoas de Inverno, que financian AECID e Xunta de Galicia. Dende avistamento de aves para coñecer a biodiversidade da zona, a xornadas de monitoreo comunitario e limpeza de canles das lagoas. Dentro do programa de apoio a grupos de marisqueiras que financia a Xunta de Galicia, entregouse material para monitoreo de biodiversidade á Universidade Nacional Autónoma de Honduras. Tamén houbo formación con mulleres marisqueiras. No programa de diversificación alimentaria que financia AECID, vimos como as experiencias de mellora participativa de sementes criollas están máis activas que nunca. Tamén houbo intercambio de experiencia coa Escola Agrícola Luis Landa, e un taller de productos lácteos.

    No outro eixo de traballo en Honduras, o de dereito humano á auga, 8 obras de captación de auga foron melloradas ou contruidas en 5 comunidades do concello de Nacaome. Tamén houbo varias formacións, como coa Mancomunidade NASMAR de capacitación técnica en xestión da auga a municipalidades, ou en hidroxeoloxía con Acacia Naves, experta da Universidade da Coruña que estivo uns días en Honduras, e de mapeos participativos de recursos hídricos.

    Ademais, no noso equipazo de traballo en Honduras tiveron un encontro convivencia no lago Yojoa, onde ademais estiveron traballando sobre ideas para estratexias futuras no país.

    Tamén houbo unha visita a Galicia de dous investigadores da UNAH, Facultade de Ciencias Espaciais, onde se formaron no manexo dunha ferramenta de visores cartográficos desenvolta polo Laboratorio do Territorio da USC, coas que temos en marcha un proxecto. Ademais impartiron o relatorio Aplicaciones de la cartografía participativa para la defensa de la tierra y territorio en Honduras: Experiencias en cartografía del Departamento de Ciencia y Tecnología de la Información Geográfica- UNAH.

MOZAMBIQUE

No mes de maio tivo lugar unha visita técnica a Mozambique na que se traballou coa Administración Rexional de Augas do Sur de Mozambique nas súas oficinas de Maputo. O traballo estivo relacionado coas inundacións, pero nesta ocasión focalizouse, principalmente, na planificación e na xestión. Aquí se pode saber algún detalle máis da visita.

    A mediados de xuño terá lugar unha visita a Galicia de representantes da ARA Centro co obxectivo de que poidan coñecer in situ o traballo que se realiza en Galicia en relacións as inundacións. No mes de maio tamén tivo lugar unha webinar co Colexio Oficial de Técnicos Forestais de Galicia sobre o proxecto e a xestión de eventos extremos en Mozambique.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes, coa triste nova do pasamento do fotógrafo Sebastião Salgado, aproveitamos para chamar a atención sobre a súa obra, comprometida coas persoas máis oprimidas e co planeta, que nos quedará para sempre.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

    Cuando se é nova precísase dun pouco de utopía, crer en algo. O mundo de hoxe non motiva ás persoas novas. Pérdense no consumismo atroz ou frecuentemente pérdense na soidade.José Mujica. Ex-presidente de Uruguai, floricultor e guerrilleiro, que faleceu o pasado 13 de maio.


BOE
Enxeñeria Sen Fronteiras

Boletín Oficial ESFeiro. Maio 2025

/in ,


CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

    En abril sacamos o boletín sonoro do primeiro trimestre do ano, cun cambio de formato deste podcast que era mensual. 

    No programa ESF na Universidade, moitas escolas e facultades universitarias de Galicia se atoparon nos espazos comúns con tarxetas da nosa campaña “Todo pasa… e todo queda?”, para sensibilizar sobre a invisibilización e desprezo cara as mulleres por parte de pensadores prominentes da historia. Ademais, na ETSE de Compostela tivemos un par de clases, sobre que é a cooperación ao desenvolvemento e sobre xestión de eventos hídricos extremos en Mozambique. Xente de ESF impartiu sendas sesións no Mestrado en liña de IA e xornalismo de RTVE: A IA cun enfoque crítico e Fediverso e redes sociais descentralizadas.

    Foron seleccionadas as persoas que participarán no Programa de Voluntariado Internacional de Coñecemento doutras Realidades. Xa empezou a súa formación, e se puideron coñecer no primeiro encontro presencial da formación.

    No programa Hackers Sen Fronteiras, de tecnoloxía para o ben común en secundaria, houbo faladoiros no IES San Rosendo Mondoñedo (sobre redes sociais descentralizadas) e no IES Terra de Xallás (sobre transición enerxética xusta). Tamén tivemos un ciberencontro para coñecer a iniciativa de Xardíns Circulares no IES Valga.

    Como actividades do programa de Tecnoloxía para o ben común nos ámbitos profesionais, tivemos unha tertulia en Santiago sobre se unha empresa eco-social é posible. Tamén un ciberencontro para falar de tecnoloxía para o ben común na economía social, con distintos organizacións do sector.

    Tivemos un pequeno encontro da base social da Coruña. Ademais, nas redes, participamos no encontro de Mentoring, xa que se participou en 2024 como mentores dunha persoa. Tamén estivemos na asemblea da Rede Acampa, e nun encontro con mulleres activistas de Honduras en Compostela.

HONDURAS

    No eixo de Dereito a Auga, houbo unha importante reunión con organizacións públicas con competencias na xestión da auga, organizada pola Mancomunidade NASMAR, invitando tamén a CODDEFFAGOLF, a outra socia dos nosos proxectos. Tamén realizouse unha xira técnica para coñecer experiencias exitosas en plantas potabilizadoras para comunidades rurais. 

    No eixo de Soberanía Alimentaria, con CODDEFFAGOLF, continúan os talleres formativos para colectivos de mulleres marisqueiras de Amapala. Houbo un de elaboración de encurtidos e escabeches. Tivemos a excelente nova da concesión dunha axuda de 600.000 euros da nova convocatoria de Programas Internacionais de Cooperación, da Cooperación Galega da Xunta de Galicia. Nos vindeiros tres anos, poderemos continuar o programa de restauración do complexo de lagoas de inverno do sur de Honduras.

MOZAMBIQUE

No mes de abril continuouse traballando coas Administracións Rexionais da Auga (ARA) de Mozambique na monitoria da seca. Tamén continuou a recompilación de información e a elaboración das análises preliminares para a definición da bacía de maior interese, co obxecto de realizar un novo estudo de inundacións, que servirá tamén como base para continuar a formación dos técnicos mozambicanos. Ademais, traballouse na programación da visita a Mozambique que terá lugar a mediados de maio e que estará centrada principalmente na xestión de inundacións coa ARA Sul. No mes de abril tamén houbo unha charla na Escola Técnica Superior de Enxeñería da USC centrada na xestión dos eventos extremos en Mozambique.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes traemos nada menos que… un xogo de mesa!! Chámase Nosotras, Las Brujas, e se asume o papel dunha integrante dun grupo de mulleres, para intentar salvar a unha das túas compañeiras, acusada de bruxería, que está á espera de ser xulgada e executada. Aquí o xogo para descarga.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

   Para máis info sobre cursos e eventos en Galicia  consulta a Axenda Solidaria e as formacións da Coordinadora Galega de ONGD

A ESF-RASE DO MES

     A auga, as sementes e a enerxía non deben ter condición de propiedade
Francisca Fernández Droguett

Enxeñeria Sen Fronteiras

ESFRadio: boletín sonoro do 1º trimestre de 2025

/in ,

Benvidas ao Boletín Sonoro Esfeiro deste primeiro trimestre de 2025. Este é un programa de ESFRadio, podcast da Asociación Enxeñería Sen Fronteiras Galicia.

En 12 minutiños falamos de:

  • Actividades deste trimestre de Enxeñería Sen Fronteiras en Galicia e nos países de traballo: Honduras e Mozambique
  • Escolma de novas relacionadas con tecnoloxía para o ben común que nos chamaron a atención
  • Datas vindeiras sinaladas na axenda
  • Recomendación artística
  • A ESF-Frase do trimestre

Todo o que contamos aquí podes atopalo ampliado nos nosos Boletíns mensuais.

ESCOITA AQUÍ

BOE
Enxeñeria Sen Fronteiras

Boletín Oficial ESFeiro: abril 2025

/in ,

CONTIDOS

  • Vida Asociativa
  • Honduras
  • Mozambique
  • Enlaces de interese
  • Recomendación artística
  • E no próximo mes …
  • A ESFrase do mes

VIDA ASOCIATIVA

   Como parte do convenio asinado coa Universidade de Santiago para desenvolver accións formativas na Escola Técnica Superior de Enxeñería de Compostela, o pasado mes de marzo tivemos 4 faladoiros e obradoiros dentro da materia Aula Profesional (un deles, un repair café, que se fixo ao lado da cafetería). Tamén en Ferrol e A Coruña se apuntaron a repair cafés, aproveitando as actividades do Marzo Ambiental da UDC. Ademais, no Banco da Coruña, comezou o curso de 35 horas de Reparación e mantemento básico de equipos informáticos. Tivemos encontro de persoas da Rede Galega de Bancos de Reciclaxe Electrónica con Software Libre, cunha representante de Repair Café Lisboa.

    Vinculado ao programa Hackers Sen Fronteiras en secundaria, o grupo de Mulleres Tecnólogas para o Ben Común tivo un encontro de reflexión e autoformación. Houbo un faladoiro en Mondoñedo sobre As redes sociais libres: o Fediverso, a cargo de Lucía (invitadas pola asociación de profesorado de tecnoloxía de Galicia, APETEGA, na súa xuntanza), e outro sobre Videoxogos Serios a cargo de Luz Castro no IES Mondoñedo (a partir da cal a rapazada desenvolverá videoxogos, xa están niso!).

    No programa de ESF no eido profesional, tivemos un encontro en liña pensando en como visibilizar a importancia da transición ecosocial no ámbito profesional da enxeñería e a tecnoloxía.

    Como parte do traballo en rede, estivemos nun encontro ben interesante con activistas pola soberanía alimentaria, invitadas polas compas do Sindicato Labrego Galego.

    Pero seguramente a actividade estrela foi a Asemblea de Primavera e xuntanza da base social de ESF, na que aproveitamos para coñecer a iniciativa de Rural Hackers e participar nun repair café rural en Anceu.  

HONDURAS

    Organizouse tamén un obradoiro de contabilidade básica con grupos de mulleres marisqueiras, dentro do proxecto que está a rematar de fortalecemento da actividade marisqueira no sur de Honduras. TAmén como parte deste fortalecemento aos grupos, houbo formación sobre boas prácticas pesqueiras. Houbo un encontro da Mesa de Seguridad Alimentaria do municipio de Nacaome. Ademais, tivemos visita institucional aos proxectos, de representantes da Cooperación Galega da Xunta de Galicia e da Oficina de Cooperación da AECID.

MOZAMBIQUE

    No mes de marzo traballouse na elaboración e peche dos informes técnicos e financeiro do proxecto do ano anterior e comezouse a coordinación para a visita de persoal da Administración Rexional da Auga do Centro de Mozambique a Galicia do mes de xuño. Continuouse traballando na monitoria da seca, a análise de precipitacións e o estado de encoros coas 3 Administracións Rexionais da Auga de Mozambique, e avanzouse no peche do TFM dun mestrado en hidroloxía dun alumno da UEM en Maputo que se está a co-tutorar dende o proxecto, así como na selección e análise preliminar das novas bacías nas que se traballará con inundacións coas ARAs Sul e Centro. No mes de marzo tamén houbo unha charla la Facultade de Física da USC sobre cooperación, secas e inundacións en Mozambique. Ademais, se sacou a praza para consultoría técnica de fortalecemento en xestión de eventos extremos.

ENLACES DE INTERESE

Activismo e persoas

Auga

Consumo responsable

Cooperación e ONGD

Educación para o desenvolvemento

Enerxía e cambio climático

Iniciativas

Investigación para o desenvolvemento 

Mundo

Pobreza e exclusión

Políticas e modelos de desenvolvemento

Soberanía alimentaria e defensa do territorio

Tecnoloxías da Información e Comunicacións (TIC)

Tecnoloxía para o desenvolvemento humano

RECOMENDACIÓN ARTÍSTICA

    Este mes queremos facernos eco dunha exposición que se fai lonxe, en Tegucigalpa: Voces de niñas: el arte que denuncia.

E NO PRÓXIMO MES …

    Temos un novo apartado na nosa páxina web, onde se pode ver a axenda de próximos eventos ESFeiros ou que nos parecen interesantes pola temática. Ademais:

A ESF-RASE DO MES

    Quizais sexa hora de analizar estes feitos [malas prácticas das multinacionais extractivistas] non tanto como desviacións, senón máis ben como a normalidade da desmesura capitalista

Eduardo Romero, no moi recomendable libro ¿Cómo va a ser la montaña un dios?