Ante o secuestro dos tres cooperantes en Rabuni, sé administrativa dos campamentos de refuxiados saharauis (Tindouf, Argelia), ocorrido o pasado 22 de outubro, Enxeñería Sen Fronteiras denuncia e mostra a súa condena ao ataque. 

ISF se solidariza coas tres acodes cooperantes secuestradas, as súas familias e amigos/as, e os compañeiros e compañeiras das organizacións Mundubat, a Asociación Extremeña de Amigos do Pobo Saharaui e CCISPP.

Confiamos en que as persoas retidas poidan ser liberadas de forma rápida e segura, canto antes, ao igual  que as cooperantes de Médicos Sen Fronteiras, secuestradas en Dabaad. Tamén solicitamos aos medios de comunicación que actúen coa máxima responsabilidade e prudencia para garantir a seguridade das persoas retidas. 

Nestes momentos, non queremos que caia no esquecemento o labor que as persoas secuestradas e o resto de cooperantes realizan nos campamentos de refuxiados Saharauis. O seu traballo ten base na esperanza de que o conflito do Sahara Occidental teña unha solución próxima no tempo, para que a súa presenza alí deixe de ter sentido e os máis de 35 anos nos que a poboación saharaui viviu como refuxiada no medio do deserto cheguen ao seu fin.

Tamén queremos destacar a boa acollida que o pobo saharaui sempre tivo cara aos/ás cooperantes de todas as ONGD que desenvolven o seu traballo nos campamentos, así como a colaboración e protección desenvolvida pola Autoridade Saharaui para facilitar os traballos de cooperación internacional co pobo saharaui.

Desde ESF levamos anos traballando en diferentes proxectos nos campamentos de refuxiados saharauis. Á súa vez, realizamos accións de sensibilización e incidencia no noso territorio para dar a coñecer a situación entre a sociedade e, sobre todo, estamos e seguiremos estando, comprometidos coa procura dunha solución para este conflito.

Ademais, facémonos eco do chamamento á precaución e prudencia que se está a facer nos campamentos para non entorpecer o labor dos gobernos saharaui e español.

Desde ESF unímonos ao comunicado da Coordinadora de ONG para o Desenvolvemento-España.