Co obxectivo de vivir en primeira persoa a realidade dos países empobrecidos e potenciar o proceso de aprendizaxe de persoas voluntarias, ESF organiza o Programa de Coñecemento de Realidade. Trátase de facilitar a pequenos grupos de voluntarios e voluntarias a participación no día a día da asociación e a súa formación. Inclúese unha estancia de curta duración (mínimo dous meses) en países do Sur, cunha compoñente técnica e aplicada, que permitirá coñecer e compartir as condicións de vida das comunidades coas que ESF e as súas copartes (socios locais) colaboran.

Concretamente, os voluntarios que participen neste programa realizarán unha estancia en Honduras durante un período de tempo o suficientemente longo como para coñecer a realidade do lugar (mínimo 2 meses), cunha formación previa e un compromiso de difusión do aprendido á súa volta. O voluntario colaborará co seu traballo nunha serie de actividades definidas previamente por ESF Galicia.

As persoas interesadas deben enviar ao enderezo de correo info@galicia.isf.es os seguintes documentos:

• Un breve CV cos datos máis relevantes para a praza (en formato PDF).

• Unha carta de motivación (tamén en formato PDF).

Deberanse enviar tantos correos electrónicos como prazas diferentes ás que se queira optar, indicando no asunto o nome da praza correspondente, a saber: PCR – Auga, PCR – Desenvolvemento Rural.

As solicitudes que non inclúan ambos documentos non entrarán no proceso de selección.

A data límite para a presentación de solicitudes é o 14 de maio do 2012.

Máis información información na descripción das prazas ou contactando con:

• Enxeñería Sen Fronteiras Galicia.

Escola Técnica Superior de Enxeñeiros de Camiños, Canais e Portos.

Campus de Elviña, s/n.

15.071 – A Coruña.

981 16 70 00 Ext.: 1479

info@galicia.isf.es

http://www.galicia.isf.es